सिनेसृष्टीतून आणखी एक निधनाची बातमी समोर आली आहे. मराठी मनोरंजन विश्वावाला मोठा धक्का बसला. प्रसिद्ध मराठी अभिनेते (Marathi Actor Death) ऋषिकेश कानडे (Hrishikesh Kanade) यांचे निधन झाले आहे. अभिनेत्याच्या निधनाने मनोरंजन विश्वावर शोककळा पसरली आहे.

मीडिया रिपोर्टनुसार, अभिनेते ऋषिकेश कानडे यांचे निधन 3 ऑगस्ट 2026 (सोमवारी) पहाटे झाले. अभिनेत्याच्या निधनाने कुटुंबावर दुःखाचा डोंगर कोसळला आहे. अल्पशा आजाराने अभिनेत्याचे निधन झाले असल्याची माहिती समोर आली आहे. ऋषिकेश कानडे यांनी वयाच्या 38 व्या वर्षी त्यांनी अखेरचा श्वास घेतला. ऋषिकेश कानडे यांच्या पश्चात् आई, वडील, बहीण आणि पत्नी असा परिवार आहे.

अभिनेत्याचे 'मी भारतीय' हे नाटक खूप गाजले. आपल्या अभिनय कौशल्याने त्याने चाहत्यांना आपलस केले. 'मी भारतीय' हे नाटक देशभक्तीवर आधारित आहे. ऋषिकेश कानडे यांना राज्य नाट्य स्पर्धेत दोन वर्ष रौप्य पदकाने गौरवण्यात आले.

अभिनेते पुण्याचे रहिवासी होते. ऋषिकेश कानडे यांच्या निधनानंतर मराठी रंगकर्मी, मनोरंजन विश्वावर शोककळा पसरली आहे. अभिनेत्याच्या निधनाची बातमी समजताच चाहत्यांनी आणि कलाकार मंडळींनी सोशल मीडियाच्या माध्यमातून त्यांच्यावर श्रद्धांजली वाहिली आहे.