मुंबई: मुक्ता बर्वे (Mukta Barve) नेहमीच आपल्या कलाकृतीने चाहत्यांचे मनोरंजन करत असते. गेल्या काही दिवसांपूर्वी मुक्तचा बहुचर्चित आणि उत्तम आशय असलेला 'वाय' (Marathi Movie) चित्रपट प्रेक्षकांच्या भेटीला आला होता. तो चित्रपट तिच्या उत्तम कलाकृतीने आणि तिच्या अभिनयाने चांगलाच नावारुपाला आला होता. सध्या महेश टिळेकर दिग्दर्शित 'हवाहवाई' चित्रपटाची चर्चा जोरदार चालू आहे. 'द ग्रेट इंडियन किचन' आणि 'मलिक' चित्रपटात मल्याळम अभिनेत्री निमिषा संजय (Nimisha Sanjay) मुख्य भूमिकेत होती. निमिषा 'हवाहवाई' चित्रपटातून मराठी सिनेसृष्टीत पदार्पण करीत आहे.

सर्वात आधी 'हवाहवाई' (Hawa Hawai) चित्रपटात निमिषाच्या ऐवजी मुक्ता बर्वेला विचारण्यात आले होते. परंतू मुक्ताला कोरोनाची लागण झाल्याने तिने हा चित्रपट नाकारला. सोबतच सोनी मराठीवरील 'अजून ही बरसात' आहे. या मालिकेत मुक्ताचे मिरा नावाचे पात्र होते, ती या मालिकेत उमेश कामत सोबत मुख्य भूमिकेत होती. मुक्ताला मालिकेत काम करण्याची संधी मिळाल्याने चित्रपटाला रामराम ठोकला.

हवाहवाई सिनेमात मुख्य भूमिकेत निमिषा सोबतच वर्षा उसगावकर, सिद्धार्थ जाधव, समीर चौघुले, संजीवनी जाधव, किशोरी गोडबोले, अतुल तोडणकर, गौरव मोरे, मोहन जोशी, स्मिता जयकर, गार्गी फुले, प्राजक्ता हनमघर, पूजा नायक, सीमा घोगळे, बिपिन सुर्वे, अंकित मोहन हे कलाकार मुख्य भूमिकेत दिसणार आहेत.

मुख्य बाब म्हणजे चित्रपटातील एका गाण्याला ज्येष्ठ गायिका आशा भोसले यांनी वयाच्या 88व्या वर्षी उडत्या चालीचे एक गाणे गायले आहे. गायिका उर्मिला धनगरच्या ठसकेबाज आवाजात एक गाणे रेकॉर्ड करण्यात आले आहे. मराठी तारका प्रॉडक्शन्सचे महेश टिळेकर आणि नाईनटिन नाईन प्रॉडक्शन्सचे विजय शिंदे यांनी ‘हवाहवाई’ सिनेमाची निर्मिती केली आहे. तर सिनेमाचे लेखन, दिग्दर्शन आणि संकलनाची धुरा महेश टिळेकर यांनी पेलली आहे. येत्या 7 ऑक्टोबरला हा सिनेमा सिनेमागृहात प्रदर्शित होणार आहे.

Edit By- Chetan Bodke