'ओ सजना' या नवीन गाण्यामुळं नेहा कक्कर वादाच्या भोवऱ्यात

मुंबई : बॉलिवूडची गायिका नेहा कक्कर नवीन गाणं सादर करत प्रेक्षकांच्या भेटीला आली आहे. 'तुमको बारिश पासंद है' सुपरहिट गाण्यानंतर आता नेहाचं 'ओ सजना' गाणं रिलीज झाले आहे. 'ओ सजना' या तिच्या नवीन गाण्यामुळं (Song) नेहा वादाच्या भोवऱ्यात आली आहे.

नुकताच नेहा कक्करचं ओ सजना हे गाणे रिलीज झाले आहे. नेहाने स्वता गाणे गायले असून हे गाणे फाल्गुनी पाठकच्या 90 च्या दशकातील लोकप्रिय आणि हिट गाणे 'मैने पायल है छनकाई' चे रिक्रिएशन आहे. जे फाल्गुनी पाठकचं १९९९ मध्ये रिलीज झाले होते. या गाण्याच्या व्हिडिओमध्ये कठपुतळीचा शो दाखवण्यात आला होता. नुकताच या गाण्याचं रिक्रिएशन नेहाच्या ओ सजना या गाण्यातून झाले आहे. गाणे १९ सप्टेंबर रोजी यूट्यूबवर (Youtube) प्रदर्शित झाले. जुनी हिंदी गाणी रिक्रिएट करणाऱ्या तनिष्क बागचीने हे गाणे संगीतबद्ध केले आहे. गाण्यामध्ये नेहासोबत धनश्री वर्मा आणि प्रियांक शर्मा व्हिडिओमध्ये दिसत आहेत या गाण्यावरून बराच गदारोळ सुरू आहे.

सोशल मीडियावर गाण्यावरून नेहाला ट्रोलिंगचा सामना करावा लागतो आहे. काही युजर्सने 'नेहाने जुन्या गाण्याची वाट लावली आहे' असे म्हटलं आहे. दरम्यान,अलीकडेच फाल्गुनीने एका मुलाखतीत या गाण्याबद्दल म्हणाली, की नेहा कक्कर आणि गाण्याच्या निर्मात्यांनी गाण्याच्या रिक्रिएशनबद्दल काहीही संपर्क केला नाही. परंतु या गाण्याला आजही मिळणारी पंसती पाहून मला खरंच खूप आंनद झाला आहे असे तिने म्हटलं आहे. पुढे फाल्गुनी म्हणाली, की तिला नेहावर कायदेशीर कारवाई करायची आहे, परंतु गाण्याचे हक्क तिच्याकडे नसल्यामुळे ती करू शकत नाही.

Edited By : Shraddha Thik