मनोरंजन सृष्टीवर शोककळा पसरली आहे. प्रसिद्ध गायिकेच्या कुटुंबातील व्यक्तीचे निधन झाले आहे. मल्याळम गायिका चित्रा अय्यरची बहीण शारदा अय्यर हिचे निधन झाले आहे. ओमानची राजधानी मस्कत येथे शारदा अय्यर राहत होती. ओमानच्या जेबेल शम्स प्रदेशात ट्रेकिंग करताना अपघातात मृत्यू झाला आहे. शारदा अय्यर ही केरळमधील थाझवा येथील रहिवाशी होती. दिवंगत कृषी शास्त्रज्ञ आर.डी. अय्यर यांची ती मुलगी होती.

मीडिया रिपोर्टनुसार, शारदा अय्यर या ओमान एअरच्या एक्स मॅनेजर होत्या. त्यांचा मृत्यू 2 जानेवारी रोजी अपघात झाला. ती ओमानच्या अल दाखिलियाह गव्हर्नरेटमधील जेबेल शम्स प्रदेशात ट्रेकिंग करत होती. ट्रेकिंगचा आनंद घेताना ही भयंकर घटना घडली. शारदा अय्यरच्या अचानक निधनाने कुटुंबावर दुःखाचा डोंगर कोसळला आहे. तिची बहीण चित्रा अय्यरने एक भावुक पोस्ट देखील शेअर केली आहे.

चित्रा अय्यरची बहिणीसाठी भावुक पोस्ट

"जा, जा, माझ्या भांडखोर बहिणी! तू खूपच वेगाने धावतेस! पण मी तुला गाठेनच... शेवटी... लवकरच, वचन देते. तुझ्यावर प्रेम आहे...तू खूपच सुंदर आहेस. तू एकदम हॉट आहेस! मी काय करणार? फोनच्या दुसऱ्या टोकावरून तुझ्या त्या त्रासदायक आवाजाशिवाय, जो सतत बडबडत असतो... मी पुढे आयुष्य कसे जगणार?"

शारदा अय्यर ट्रेकिंगला गेली होती तो भाग उंच कड्याचा होता. तो ट्रेकर्समध्ये धोकादायक स्पॉट मानला जातो. मात्र अद्याप मृत्यूचं नेमकं कारण समोर आलं नाही. 7 जानेवारी 2026 ला थाझवा येथील वडिलोपार्जित घरी तिच्यावर अंत्यसंस्कार केले जाणार आहे. तिचे पार्थिव ओमानहून केरळला विमानाने घेऊन जात आहे. 11 डिसेंबर 2025 मध्ये शारदाच्या वडीलांचे देखील निधन झाले. कुटुंबातील दोन व्यक्तीच्या जाण्याने चित्रा अय्यरला मोठा धक्का बसला आहे. तिच्या पोस्टवर चाहते, कलाकार , नेटकरी श्रद्धांजलि वाहत आहेत.