Actress Hospitalised: टीव्ही अभिनेत्री माही विज तिच्या वैयक्तिक आयुष्यामुळे चर्चेत आहे. दरम्यान, अभिनेत्रीची तब्येत बिघडली आहे आणि तिला रुग्णालयात दाखल करण्यात आले आहे अशा बातम्या येत आहेत. विरल भयानी यांच्या मते, माहीला तापामुळे रुग्णालयात दाखल करावे लागले. माहीची मॅनेजर अवंतिका सिन्हा यांनी अभिनेत्रीला रुग्णालयात दाखल केल्याची माहिती दिली आहे. तिने सांगितले की माहीला तीव्र ताप आहे आणि विकेनेस आहे.

घटस्फोटामुळे बातम्यांमुळे चर्चेत

माही विज अलीकडेच तिचा पती जय भानुशालीपासून विभक्त झाल्याच्या कारणामुळे चर्चेत आली होती. माहीला जयकडून भरमसाठ पोटगी मिळत असल्याच्या अफवा पसरल्या होत्या. नंतर, माहीच्या एका जवळच्या मैत्रिणीने या अफवांचे खंडन केले. तसेच "नच बलिये ५" फेम माहीनेही एका व्हिडिओमध्ये हे दावे फेटाळून लावले.

इंस्टाग्राम स्टोरी

काही तासांपूर्वी माहीने तिच्या इंस्टाग्राम स्टोरीजवर स्वतःचा एक फोटो शेअर केला. फोटोमध्ये ती विंटर आऊटफिटमध्ये दिसली आजारी असल्याचे तिने वेगवेगळी औषधे घेत असतानाचा आणखी एक फोटो पोस्ट केला आणि लिहिले, "आजारी."

२०११ मध्ये लग्न झाले

माही विज आणि जय भानुशाली यांनी २०११ मध्ये लग्न केले. २०१७ मध्ये, या कपलने खुशी आणि राजवीर ही दोन मुले दत्तक घेतली. ऑगस्ट २०१९ मध्ये, या कपलने त्यांची मुलगी तारा हिचे स्वागत केले. १४ वर्षांच्या लग्नानंतर हे सुंदर कपल वेगळे होत असल्याचे वृत्त आहे. पण, तिने तिच्या गोपनीयतेची काळजी घेण्याचे आवाहन चाहते आणि नेटकऱ्यांना केले आहे.