साऊथ अभिनेता महेश बाबू अनेक वेळा त्याची मुलगी सितारामुळे चांगलाच चर्चेत येतो. आता देखील सिताराचा एक व्हिडीओ सोशल मीडियावर तुफान व्हायरल होत आहे. साऊथ सुपरस्टार महेश बाबू आणि अभिनेत्री नम्रता शिरोडकर यांची मुलगी सितारा घट्टामनेनी पुन्हा एकदा चर्चेत आली आहे. सिताराला आता फॅशन आयकॉन म्हणून ओळखले जाते. तिचा ज्वेलरी एक्झिबिशनमधील एक व्हिडीओ सध्या सोशल मीडियावर तुफान व्हायरल होत आहे. ज्यात ती रॅम्प वॉक करताना दिसत आहे.

अलिकडेच सितारा आई, अभिनेत्री नम्रता शिरोडकरसोबत एका लग्जरी दागिन्यांच्या प्रदर्शनाला गेली होती. जिथे तिने आपल्या हटके स्टाइलने , साधेपणाने आणि रॅम्प वॉकने सर्वांना मोहित केले. या कार्यक्रमाचा एक व्हिडिओ समोर आला आहे.नेटकरी केवळ सिताराच्या सौंदर्याचेच नव्हे तर तिच्या पोशाखाचे आणि रॅम्प वॉकचेही कौतुक करत आहेत. तिचा आत्मविश्वास कमालीचा आहे.

व्हायरल व्हिडिओमध्ये सितारा माजी मिस इंडिया नम्रता शिरोडकर यांच्यासोबत ज्वेलरी एक्झिबिशनच्या इव्हेंटमध्ये रॉयल एन्ट्री घेताना दिसत आहे. आई-मुलीची जोडी पाहून प्रेक्षक थक्क झाले आहेत. त्यांच्या या व्हिडीओवर चाहते, कलाकार भरभरून कमेंट्स करत आहे. तिच्या सौंदर्याचे, स्टाइलचे आणि फॅशनचे कौतुक करत आहेत. "भविष्यातील सुपरस्टार", "यंग फॅशनिस्ट", "आगामी मिस इंडिया", "स्टार" , "राजकुमारी" अशा कमेंटस येत आहेत.

व्हिडिओमध्ये सितारा आधुनिक कॉर्सेट-ड्रेप्ड कॉन्सेप्ट साडी गाऊन मध्ये दिसत आहे. त्यावरील नक्षीकाम खूपच सुरेख आहे. यामुळे एक शाही लूक सिताराला मिळाला आहे. 13 वर्षांच्या सिताराचा रॅम्प वॉक पाहून चाहते घायाळ झाले आहेत. सिताराच्या चेहऱ्यावरील स्माइल खूपच भन्नाट आहे. 2005ला महेश बाबू आणि नम्रता शिरोडकर यांनी लग्नगाठ बांधली. त्यांना दोन मुलं आहेत. मुलगी सितारा आणि मुलगा गौतम होय.