मुंबई, ता. २७ एप्रिल २०२४

महादेव बुक ऑनलाईन बॅटिंग ॲप प्रकरणात महत्वाची अपडेट समोर आली आहे. महादेव बेटिंग ॲप प्रकरणात अभिनेता साहिल खानचा अटकपूर्व जामीन अर्ज मुंबई उच्च न्यायालयाकडून फेटाळण्यात आला आहे. त्यामुळे अभिनेता साहिल खानच्या अडचणी वाढताना दिसत आहेत.

याबाबत समोर आलेल्या माहितीनुसार, ऑनलाइन बेटिंग प्रकरणातील आरोपी अभिनेता साहिल खानचा अटकपूर्व जामीन अर्ज मुंबई उच्च न्यायालयाने फेटाळला आहे. त्यामुळे या प्रकरणात आता साहिल खानच्या अडचणी वाढताना दिसत आहेत. ऑनलाइन बेटिंग एप्लीकेशन्सचे प्रमोशन केल्याचा साहिल खान याच्यावर आरोप आहे.

या प्रकरणात याआधी सत्र न्यायालयाने साहिल खानचा अटकपर्व जामीन अर्ज फेटाळल्यानंतर साहिल खानने मुंबई उच्च न्यायालयात धाव घेतली होती. मात्र आता उच्च न्यायालयानेही अटकपूर्व जामीन अर्ज फेटल्यानंतर साहिल खानच्या अडचणीत वाढ होताना दिसत आहे. या प्रकरणी मुंबई पोलिसांच्या आर्थिक गुन्हे शाखेने साहिल खानचा जबाब नोंदवला आहे.

या संपूर्ण गुन्ह्याचे व्यापक स्वरूप पाहता या प्रकरणाचा सखोल तपास आवश्यक असल्याचे न्यायालयाने म्हटले आहे. सध्याच्या प्रकरणाशी संबंधित संपूर्ण कारवाई बेकायदेशीर असल्याचे दिसून येत आहे.. मोठ्या प्रमाणात बनावट सिमकार्ड आणि बँक खाती वापरण्यात आली आहेत, त्यामुळे खानविरुद्ध उपलब्ध साहित्य पाहता आरोपीला ताब्यात घेऊन त्याची चौकशी करणे अत्यंत गरजेचे आहे. त्यामुळे त्याला अटकेतून दिलासा देता येणार नाही, असे कोर्टाने म्हटले आहे.