स्टार प्रवाह वाहिनीवरील 'लग्नानंतर होईलच प्रेम' (Lagnanantar Hoilach Prem) मालिका सध्या प्रेक्षकांचे भरपूर मनोरंजन करत आहे. आता कुठेतरी पार्थ-काव्या आणि जीवा-नंदिनी यांच्या प्रेमाच्या नात्याला सुरुवात होत आहे. नुकताच मालिकेचा नवीन प्रोमो प्रेक्षकांच्या भेटीला आला आहे. ज्याने सर्वांचे लक्ष वेधून घेतले आहे. मालिकाचा हिरो पार्थ-काव्याला एक खास गिफ्ट देणार आहे.

मालिकेत हळूहळू पार्थ-काव्याची मैत्री होताना दिसत आहे. यांच्या नात्यात प्रेम खुलायला लागले आहे. काव्या देशमुखांची खूपच काळजी घेताना दिसत आहे. मानिनीने देखील काव्याचा सर्व भूतकाळ विसरून तिला प्रेमाने पुन्हा आपलेसे केले आहे. प्रोमोमध्ये तुम्ही पाहू शकता की, पार्थ आईला सांगतो की, मला काव्याला एखादा दागिना भेट करायचा आहे. तेव्हा आई मंगळसूत्र भेट करण्याचे सुचवते.

"आधी मनाविरुद्ध लग्नात मंगळसूत्र घातल होत. आता जे देशील ते मानाने मिरवेल..." असे पार्थची आई बोलते. आता पार्थ काव्याला एका खास डिझाइनचे मंगळसूत्र देणार आहे. मंगळसूत्राची डिझाइन खूप स्पेशल असणार आहे. ती डिझाइन देखील काव्या नकळत पार्थला सांगून जाते. पार्थ काव्याला 'काव्यार्थ' लिहिलेले मंगळसूत्र देणार आहे. कारण काव्या कॉफी घेऊन येते तेव्हा तिचा पाय घसरतो आणि कॉफी पार्थ काव्याचे नाव लिहिलेल्या पानावर पडते. त्यातून मंगळसूत्राच्या डिझाइनची हिंट पार्थला मिळते.

रोमँटिक प्रोमोला खास कॅप्शन देण्यात आले आहे. कॅप्शनमध्ये लिहिलं की, "पार्थ काव्याला देणार खास मंगळसूत्र..." 'लग्नानंतर होईलच प्रेम' मालिका स्टार प्रवाह वाहिनीवर संध्याकाळी 7 वाजता पाहायला मिळते. काव्या आणि पार्थ एकमेकांसमोर आपले प्रेम कधी व्यक्त करणार हे पाहणे महत्त्वाचे ठरणार आहे.