मनोरंजन विश्वातून धक्कादायक बातमी समोर आली आहे. बॉलिवूडची प्रसिद्ध अभिनेत्री रुग्णालयात दाखल आहे. अभिनेत्रीची अचानक तब्येत बिघडली. सध्या 'लस्ट स्टोरीज ३'मुळे चर्चेत असलेली अभिनेत्री कोंकणा सेन शर्माला डेंग्यूमुळे हॉस्पिटलमध्ये ॲडमिट करण्यात आले. सोशल मीडियाच्या माध्यमातून तिने आपल्या चाहत्यांना याची माहिती दिली आहे.

कोंकणा सेन शर्माने रुग्णालयातील बेडरुमचा इन्स्टाग्रामवर एक फोटो शेअर केला आणि आता तिला बरे वाटत असल्याचे सांगितले, तसेच लोकांना डेंग्यूबाबत काळजी घेण्याचे आवाहनही केले. तिने लिहिलं की, "मित्रांनो, डेंग्यूपासून सावध राहा. मी रुग्णालयात होते, पण आता बरी आहे..." असे कोंकणाने तिच्या इन्स्टाग्राम स्टोरीवर फोटोसोबत लिहिले. त्यानंतर, रविवारी तिने 'लस्ट स्टोरीज ३' च्या प्रमोशनदरम्यानचे फोटो पोस्ट केले. एकंदर कोंकणा सेन शर्मा डेंग्यूमुळे हॉस्पिटलमध्ये ॲडमिट होती आणि आता ती रिकव्हर होत आहे.

कोंकणा सेन शर्मा हॉस्पिटलमध्ये असल्याचे समजताच चाहत्यांनी चिंता व्यक्त केली. तसेच अभिनेत्रीचा हॉस्पिटलमधील फोटो सोशल मीडियावर तुफान व्हायरल होत आहे. चाहते तिला तब्येतीची काळजी घ्याण्याचे सांगत आहेत. तसेच तिच्या 'लस्ट स्टोरीज ३' चित्रपटाला भरभरून प्रेम देत आहेत.

कोंकणा सेन शर्मा ही बॉलिवूडमध्ये प्रसिद्ध अभिनेत्रींपैकी एक आहे. तिच्या अभिनयाचे लाखो चाहते दिवाने आहेत. कोंकणा अलिकडेच 'सर्च: द नैना मर्डर केस' आणि 'लस्ट स्टोरीज ३' मध्ये दिसली.'वेक अप सिड', 'लाइफ इन मेट्रो', 'तलवार', 'लिपस्टिक अंडर माय बुरखा' हे तिचे चित्रपट खूपच गाजले. तसेच ती 'डॉली किटी और वो चमकते सितारे' मध्येही दिसली.