कोकण हार्टेड गर्ल अंकिता वालावलकर (Ankita Walawalkar) कायम कोणत्या ना कोणत्या कारणामुळे चर्चेत असते. तिचा मोठा चाहता वर्ग आहे. अंकिता सोशल मीडिया इन्फ्लुएन्सर असून तिला 'बिग बॉस मराठी'मुळे खूप लोकप्रियता मिळाली आहे. तिने 'बिग बॉस मराठी'चे पाचवे पर्व खूप गाजवले आहे. आता मात्र अंकिता वालावलकर तोच धुमाकूळ घालण्यासाठी 'बिग बॉस 19'मध्ये (Bigg Boss 19) झळकणार असल्याची माहिती तिने व्हिडीओ शेअर करून दिली आहे.

सलमान खानच्या 'बिग बॉस 19'ला सुरू होऊन आता दोन आठवडे झाले आहेत. अंकिता वालावलकर बिग बॉसच्या दुसऱ्या आठवड्यात घरात वाइल्ड कार्ड एन्ट्री घेणार आहे. अंकिताने शेअर केलेल्या व्हिडीओमध्ये ती म्हणते की, "नमस्कार मंडळी, जसे की तुम्हाला माहित आहे,'बिग बॉस' हिंदीच्या घरात माझी वाइल्ड कार्ड एन्ट्री होत आहे. मी यासाठी खूपच उत्सुक आहे. 'बिग बॉस मराठी'च्या वेळी मी 'बिग बॉस' पाहिला नव्हता. पण यावेळी माझ्या पाठीशी अनुभव आहे."

पुढे अंकिता म्हणते की, "'बिग बॉस मराठी'च्या घरात असताना तुम्ही मला जे प्रेम दिले, आशीर्वाद दिलेत. ते आताही माझ्याबरोबर राहू द्या. तुमचे हेच प्रेम आणि आशीर्वाद मला ट्रॉफीपर्यंत…" अंकिताने शेअर केलेल्या व्हिडीओत एक ट्विस्ट आला आहे. अंकिताचे बोलणे पूर्ण होतय तेवढ्यात कुणाल आणि अंकिताची बहिण तिथे येते.

कुणाल अंकिताच्या थोबाडीत मारून तिला झोपेतून उठवतो. म्हणजे अंकिताने चाहत्यांसोबत प्रँक केला आहे. ती 'बिग बॉस 19' मधील एन्ट्रीचे स्वप्न पाहत होती. अंकिताच्या या व्हिडीओवर चाहत्यांकडून मजेशीर कमेंट्सचा वर्षाव होत आहे. अंकिता वालावलकरचा हा व्हिडीओ सोशल मीडियावर तुफान व्हायरल होत आहे.