बॉलिवूडचा खिलाडी अक्षय कुमार लवकरच 'केसरी चॅप्टर 2' मधून (Kesari Chapter 2) प्रेक्षकांच्या भेटीला येणार आहे. या चित्रपटात बॉलिवूड अभिनेता आर माधवन आणि अभिनेत्री अनन्या पांडे देखील पाहायला मिळणार आहेत. सध्या या चित्रपटाचे प्रमोशन सुरू आहे. याच निमित्ताने चित्रपटाच्या टीमने अमृतसर मधील सुवर्ण मंदिराला (Golden Temple ) भेट दिली आहे. ज्याचा फोटो अनन्या पांडेने सोशल मीडियावर चाहत्यांसोबत शेअर केला आहे.

अनन्याने ( Ananya Panday) शेअर केलेल्या फोटोमध्ये आर माधवन (R Madhavan) , अक्षय कुमार (Akshay Kumar) आणि अनन्या पांडे स्वतः असून मागे सुवर्ण मंदिर दिसत आहे. पोस्टला अनन्याने खास कॅप्शन दिलं आहे. तिने लिहिलं की, "वाहेगुरु जी का खालसा वाहेगुरु जी की फतेह" तिच्या या पोस्टवर चाहत्यांकडून कमेंट्सचा वर्षाव होत आहे. 'केसरी चॅप्टर 2' मधून जालियनवाला बाग हत्याकांड या प्रकरणाचा उलगडा होणार आहे.

सुवर्ण मंदिराला भेट देताना अनन्या पांडेने बेबी पिंक रंगाचा फ्लोरल प्रिंटेड ड्रेस परिधान केला होता. तर अक्षय कुमारने निळ्या रंगाच्या शर्ट आणि माधवनने पांढरा कुर्ता घातला होता. तिघेही हात जोडून उभे असलेले पाहायला मिळत आहे. 'केसरी चॅप्टर 2' चा ट्रेलर पाहून चाहेत चित्रपटासाठी खूपच उत्सुक झाले आहेत. 'केसरी चॅप्टर 2'चित्रपट 18 एप्रिलला प्रेक्षकांच्या भेटीला येणार आहे.

'केसरी चॅप्टर 2'मध्ये अक्षय कुमार सी. शंकरन नायर यांची भूमिका साकारत आहेत. जे वकिल होते. अनन्या पांडे युवा वकील दिलरीत गिलच्या भूमिकेत दिसणार आहे. 'केसरी चॅप्टर 2' चित्रपटाचे दिग्दर्शन करण सिंग यांनी केले आहे.