बॉलीवूड अभिनेत्री आलिया भट्ट नेहमीच तिच्या अभिनयाने प्रेक्षकांच्या मनावर राज्य करते. ती अभिनयासोबच एक उत्तम गायिका देखील आहे. आलियाने 'हम्प्टी शर्मा की दुल्हनिया' चित्रपटात 'में तेनु समझावां' हे गाण गायिले आहे. तिच्या आवाजावर अनेक चाहते घायाळ होतात. यानंतर आलियाने उडता पंजाबमध्ये दिलजीत दोसांझचे 'इक कुडी जिदा नाम मोहब्बत' हे गाणे देखील गायिले आहे.

एकीकडे चाहते आलियाच्या गाण्यांचे दिवाने आहेत तर दुसरीकडे आलियाची वहिनी म्हणजे करिना कपूर खान (Kareena Kapoor) हिला माहितच नाही की आलिया एवढी सुंदर गाते. मीडिया रिपोर्टनुसार, करिना तिचा शो 'व्हॉट वुमन वॉन्ट'च्या (What Women Want) प्रोमोमध्ये आलियाची तिच्या गाण्यावर खिल्ली उडवताना दिसत आहे. त्यावर आलिया बोलते की, "तिला लहानपणापासून गाण्याची आवड आहे." यावर करिना बोलते की, "तुझा आवाज चांगला आहे की नाही हे मला माहीत नाही." यावर उत्तर देत आलिया (Alia Bhatt) म्हणाली, "मी माझ्या बाथरूममध्ये गाणे गाऊ शकते."

अलिकडेच आलियाने 'पुष्पा द राइज' या चित्रपटातील 'ओ अंतवा' हे गाणे गाऊन चाहत्यांना प्रभावित केले आहे. तसेच आलियाने नुकतेच देवरा चित्रपटातील 'चुत्तमल्ले' हे गाणे देखील गायले आहे. ज्युनियर एनटीआरने आलियाचं खूप कौतुक केलं कारण आलियाने हे गाणं तमिळमध्ये गायलं होत. आता आलिया जिगरा चित्रपटातून प्रेक्षकांच्या भेटीला येणार आहे.