Kangana Ranaut: बॉलिवूड अभिनेत्री कंगना रणौत आपला आगामी चित्रपट 'इमर्जन्सी' (Emergency) चित्रपटामुळे बरीच चर्चेत आहे. कालच अमिताभ बच्चन, टायगर श्रॉफ आणि क्रिती सेनन यांची दमदार स्टार कास्ट असलेला 'गणपत' (Ganpath)चा पहिला टीझर नुकताच सोशल मीडियावर प्रदर्शित करण्यात आला आहे. या दोन्ही चित्रपटांच्या प्रदर्शनाची एकच तारीख असल्याने कंगनाने बुधवारी संध्याकाळी 'गणपत' चित्रपटाच्या निर्मात्यांवर बरीच टीका केली आहे. कंगनाचा 'इमर्जन्सी' आणि टायगरचा 'गणपत' २० ऑक्टोबरला प्रदर्शित होणार आहे.

कंगनाने 'गणपत'च्या निर्मात्यांवर ट्वीट करत काही प्रश्न उपस्थित केले आहेत, "संपूर्ण ऑक्टोबर महिना मोकळा असताना 'गणपत' चित्रपटाच्या निर्मात्यांनी चित्रपट प्रदर्शनाची तारीख २० ऑक्टोबरंच का निवडली? सोबतच सप्टेंबर, नोव्हेंबर किंवा डिसेंबर महिना देखील संपूर्ण फ्री आहे. मी माझ्या चित्रपटाच्या ट्रेलर प्रदर्शनादरम्यानच चित्रपटाच्या प्रदर्शनाची तारीख जाहीर करणार आहे." असं म्हणंत कंगनाने बुधवारी संध्याकाळी ट्वीट केले आहे.

त्यानंतर तिने पुन्हा आणखी एक ट्वीट केले आहे, कंगना तिच्या ट्विटमध्ये पुढे लिहिले की, 'आता मी ट्रेलरसोबत एक महिना अगोदर 'इमर्जन्सी'च्या रिलीजची तारीख जाहीर करेन. जर संपूर्ण वर्षात एकही चित्रपट प्रदर्शित होत नसून चित्रपटाची तारीख एकच का जाहीर केलीत? ही सध्या आपल्या चित्रपटसृष्टीची अवस्था आहे. तुम्ही सगळे काय खातात, तुम्ही इतके आत्मघाती कसे आहात?" असं म्हणत पुन्हा चित्रपट निर्मात्यांना बरेच खडेबोल सुनावले आहे.

कंगना रणौतने 2021 साली 'आणीबाणी' चित्रपटाची घोषणा केली होती. तिचा हा नवा आगामी चित्रपट एक पॉलिटिकल ड्रामा असून इंदिरा गांधींच्या जीवनावर प्रकाशझोत टाकण्याचा प्रयत्न केला आहे. या चित्रपटात कंगनाने दिग्दर्शिका आणि निर्मातीच्या भूमिकेत दिसणार आहे. चित्रपटात कंगनासोबत अनुपम खेर, मिलिंद सोमण, महिमा चौधरी आणि श्रेयस तळपदे यांच्या भूमिका आहेत.

'गणपत'मध्ये टायगर श्रॉफ आणि क्रिती सेनन यांच्या प्रमुख भूमिका आहेत. या चित्रपटाचे दिग्दर्शन विकास बहल यांनी केले असून चित्रपटाची निर्मिती वाशू भगनानी, जॅकी भगनानी, दीपशिखा देशमुख आणि विकास बहल आहेत.