KRK Tweet On Shehjada: सुपरस्टार शाहरुख खानचा 'पठान' चित्रपट प्रदर्शित झाल्यानंतर सलग तिसऱ्या आठवड्यातही चांगली कमाई करत आहे. बॉक्स ऑफिसवर चित्रपट कलेक्शनच्या बाबतीत खूपच चर्चेत आहे. १७ फेब्रुवारीला कार्तिक आर्यनचा 'शेहजादा' चित्रपट प्रदर्शित होणार आहे. यावर आता बॉलिवूड अभिनेता कमाल राशिद खान उर्फ ​​केआरकेने आपली प्रतिक्रिया दिली आहे. तो म्हणतो की बॉलिवूडमधील एका बहुचर्चित प्रॉडक्शन हाऊसने 'शेहजादा' चित्रपटाला बॉक्स ऑफिसवर बदनाम करण्याचा कट रचला आहे.

कार्तिक आर्यनच्या 'शेहजादा' चित्रपटाची पहिल्याच दिवशी रेकॉर्ड ब्रेक ओपनिंग रोखण्यासाठी एक बहुचर्चित प्रॉडक्शन हाऊस प्रयत्न करत असल्याचा दावा केआरकेने केला आहे. ही माहिती केआरकेने ट्वीट करत दिली आहे. त्याने ट्विट केले की, 'YRF, धर्मा, टी-सीरीज, रेड चिलीज आणि डिस्ने यांसारखी बॉलिवूडची सर्वात मोठी प्रॉडक्शन हाऊस कंपनी 'शेहजादा' चित्रपटाला चांगली कमाई करण्यापासून रोखत आहे. बघूया उद्या काय होतंय?'

त्यानंतर केआरकेने आणखी एक ट्विट केले आहे, ज्यामध्ये त्याने 'शेहजादा'ला फ्लॉप करण्याचा कट रचला जात असल्याचे सांगितले. त्याने लिहिले की, 'शाहरुख खानने शुक्रवारी (१७ फेब्रुवारी) सर्व चित्रपटगृहांमध्ये केवळ ११० रुपयांमध्ये 'पठान' दाखवण्याचा निर्णय घेतला आहे. ''शेहजादा' चित्रपटाला बॉक्स ऑफिसवरुन पूर्णपणे बाजूला करण्यासाठी हा दुसरा हल्ला आहे.'

कार्तिक आर्यनचा चित्रपट शहजादा आजपासून सर्व चित्रपटगृहात प्रदर्शित होत आहे. रोहित धवन दिग्दर्शित हा एक ॲक्शन ड्रामा चित्रपट आहे. कार्तिकसोबत चित्रपटात क्रिती सेनन, राजपाल यादव, रोनित रॉय, परेश रावलसारखे स्टार्स दिसणार आहेत.

'पठान' चित्रपटाने आतापर्यंत जगभरात एकूण 970 कोटी रुपये कमावले असून भारतात 502.45 कोटींची कमाई केली आहे.