मनोरंजन सृष्टीतील एक तेजस्वी तारा हरपला. 'घोस्टबस्टर्स' चित्रपट आणि 'चार्ल्स इन चार्ज' या टेलिव्हिजन सिटकॉममधील भूमिकांसाठी प्रसिद्ध असलेल्या अभिनेत्रीचे निधन झाले आहे. प्रसिद्ध अभिनेत्री जेनिफर रनयन (Jennifer Runyon) यांनी वयाच्या 65 व्या वर्षी अखेरचा श्वास घेतला आहे. त्यांच्या कुटुंबावर दुःखाचा डोंगर कोसळला. अभिनेत्रीच्या निधनाची माहिती तिच्या कुटुंबाने दिली आहे.

जेनिफर रनयनच्या मृत्यूची बातमी त्यांच्या कुटुंबाने फेसबुकवर एका पोस्ट शेअर करून चाहत्यांना दिली आहे. कुटुंबाने दिलेल्या माहितीनुसार, अभिनेत्रीचे निधन शुक्रवारी रात्री (6 मार्च 2026) ला झाले आहे. जेनिफरचे दीर्घ आजाराने निधन झाल्याचे तिच्या कुटुंबाने सांगितले. पोस्टमध्ये लिहिले की, "गेल्या शुक्रवारी रात्री आमची लाडकी जेनिफर यांचे निधन झाले. तिचा हा प्रवास खूप कठीण होता. तिने दिलेल्या प्रेमासाठी, मैत्रीसाठी, कुटुंबासाठी ती कायम लक्षात राहील. "

जेनिफरची मैत्रीण आणि अभिनेत्री एरिन मर्फी यांनी जेनिफर रनयन कर्करोगाशी झुंज देत होती, असे म्हटले आहे. एरिन मर्फी यांनी सांगितल्यानुसार, जेनिफर यांची कर्करोगाशी झुंज अपयशी ठरली. त्यांचा कॅन्सरमुळे मृत्यू झाला. एरिनने जेनिफरसोबतचा फोटो शेअर करून लिहिलं की, "मला हे सांगताना खूप दुःख होत आहे, माझी मैत्रीण जेनिफर रनियन कॉर्मन हिचे कर्करोगाशी झुंज देत असताना निधन झाले. ती माझी चांगली मैत्रीण, खास महिला होती. मला तुझी आठवण येईल जेन..."

वर्कफ्रंट

1984 च्या इव्हान रीटमन दिग्दर्शित आणि बिल मरे, डॅन आयक्रॉइड आणि हॅरोल्ड रॅमिस अभिनीत 'घोस्टबस्टर्स' या हॉरर-कॉमेडी चित्रपटातील कलाकारांमध्ये जेनिफर होती. हा चित्रपट त्या दशकातील विनोदी होता. जेनिफर हे अमेरिकन टीव्ही आणि चित्रपटसृष्टीतील प्रसिद्ध नाव आहे.

1980 आणि 1990 च्या दशकाच्या सुरुवातीच्या काळात, रनयॉनची कारकीर्द टेलिव्हिजन आणि चित्रपटांमध्ये पसरली. लोकप्रिय सिटकॉम 'चार्ल्स इन चार्ज' मध्ये तिने ग्वेंडोलिन पियर्सची प्रमुख भूमिका केली होती आणि दीर्घकाळ चालणाऱ्या 'अनदर वर्ल्ड' या दिवसा नाटकातही तिने काम केले होते. तिच्या टेलिव्हिजन क्रेडिट्समध्ये 'क्वांटम लीप' आणि 'मर्डर, शी रोट' सारख्या मालिकांमध्ये पाहुण्या कलाकारांचा समावेश होता.