टिव्हीची प्रसिद्ध जोडी माही वीज आणि जय भानुशाली यांचा घटस्फोट झाल्याची चर्चा सध्या सोशल मीडियावर चांगली रंगली आहे. यावर सोशल मीडियाच्या माध्यमातून अनेक कमेंट्स येत आहेत. अशात आता माही वीजयाने यावर मौन सोडले आहे. तिने एक व्हिडीओ शेअर करून यासंबंधित माहिती चाहत्यांना दिली आहे.

माही वीजने शेअर केलेल्या व्हिडीओत तिने घटस्फोटाची गोष्ट अफवा असल्याचे सांगितले आहे. तसेच यावर कायदेशीर कारवाई केल्याचे ही म्हटले आहे. माहीने हा व्हिडीओ तिच्या युट्यूब चॅनेलवर शेअर केला आहे. माहीने व्हिडीओमध्ये बोलते की, "मला या विषयावर बोलायचेही नव्हते. मला माहित आहे लोक कमेंट आणि लाईक्ससाठी काही करू शकतात. मी कुठेतरी वाचले की मी (माही वीज) घटस्फोटाच्या कागदपत्रांवर स्वाक्षरी केली आहे. मला ते कागदपत्रे दाखवा. दुसरे म्हणजे, जोपर्यंत आम्ही काही बोलत नाही तोपर्यंत तुम्हाला आमच्या वैयक्तिक आयुष्यात हस्तक्षेप करण्याचा अधिकार नाही."

माही पुढे म्हणाली, "मी एक कलाकार असले तरी मला जे शेअर करावेस वाटेल तेवढेच मी शेअर करेन. माझ्यावर अनेक जबाबदाऱ्या आहेत. मला तीन मुलं आहेत. मला खुशीने असाच एक घटस्फोट संबंधित मेसेज दाखवला आणि विचारले की हा काय मूर्खपणा आहे? कुठे तरी वाचले की मी जयकडून 5 कोटी रुपयांची पोटगी घेतली आहे. जेव्हा तुमच्याकडे पुरावे असतील तेव्हाच तुम्ही बोला..."

माही शेवटी म्हणाली की, "आमच्या प्रायव्हसीचा आदर करा. आम्हाला काही सांगावेसे वाटले तर आम्ही स्वतः सर्वकाही सांगू, मात्र खोट्या गोष्टींवर विश्वास ठेवू नका. जय माझे कुटुंब आहे. तो एक उत्कृष्ट बाप आणि माणूस आहे... " माही वीजचे हा व्हिडीओ सोशल मीडियावर तुफान व्हायरल होत आहे. नेटकरी यावर कमेंट्सचा वर्षाव करत आहेत.