'जारण' (Jarann) चित्रपटाने बॉक्स ऑफिसवर धुमाकूळ घातला असून आता जारणची जादू घरबसल्या पाहायला मिळणार आहे. 'जारण' पाहण्यासाठी थिएटर हाऊसफुल पाहायला मिळाली. 'जारण' 6 जूनला प्रेक्षकांच्या भेटीला आला आहे. दोन महिन्यांनंतर 'जारण' चित्रपट ओटीटीवर येणार आहे. 'जारण' चित्रपटात अमृता सुभाष (Amruta Subhash ) आणि अनिता दाते (Anita Date) यांनी आपल्या अभिनयाने चारचाँद लावले आहेत.

'जारण' हा हॉरर चित्रपट आहे. 'जारण'मध्ये दमदार अभिनय, हृदयाला भिडणारी कथा आणि उत्तम दिग्दर्शन पाहायला मिळत आहे. चित्रपटाच्या गाण्यांनी सोशल मीडियावर धुमाकूळ घातला आहे. भय आणि सत्याच्या कचाट्यात अडकलेल्या स्त्रीच्या रुपात अमृता सुभाष पाहायला मिळते. तिच्या व्यक्तिरेखेला भावनिक जोड आहे. ही जादू ओटीटीवर कधी पासून पाहता येणार, जाणून घेऊयात.

'जारण' ओटीटीवर कधी येणार?

'जारण'च्या ओटीटी अपडेटचे नवीन पोस्टर शेअर करण्यात आले आहे. ज्यात अमृता सुभाष-अनिता दातेचे थरारक रुप पाहायला मिळत आहे. या पोस्टरला एक हटके कॅप्शन देण्यात आले आहे. कॅप्शनमध्ये लिहिलं की," 'जारण' म्हणजे ब्लॅक मॅजिक हे जारण आता सुरु झालं आहे." 'जारण' चित्रपट 'मराठी झी ५'वर पाहता येणार आहे. 'जारण' ओटीटीवर 8 ऑगस्टला रिलीज होणार आहे.

'जारण' स्टारकास्ट

'जारण' चित्रपटात तगडी स्टारकास्ट पाहायला मिळाली आहे. 'जारण' चित्रपटाचे लेखन आणि दिग्दर्शन हृषीकेश गुप्ते यांनी केले आहे. 'जारण' चित्रपटात अमृता सुभाष, अनिता दातेसोबत किशोर कदम, ज्योती माळशे, विक्रम गायकवाड, राजन भिसे, अवनी जोशी, सीमा देशमुख यांचाही दमदार अभिनय पाहायला मिळाला.