काल (3 जून) दिवस रॉयल चॅलेंजर्स बंगळुरूसाठी (RCB ) खूप महत्त्वाचा होता. काल तब्बल 18 वर्षांनंतर रॉयल चॅलेंजर्स बंगळुरूने विजेतेपद मिळवले आहे. त्यामुळे टीमचा आनंद सध्या गगनात मावत नाही आहे. सर्वत्र RCB चा जयघोष पाहायला मिळत आहे. RCBच्या विजयानंतर सर्व क्रिकेटपटू खूप भावुक होताना दिसले.

विराट कोहलीला (virat kohli) तर अश्रू अनावर झाले. अशात विराट आणि अनुष्काचा (Anushka Sharma) एक व्हिडीओ सोशल मीडियावर तुफान व्हायरल होत आहे. व्हायरल होणाऱ्या व्हिडीओमध्ये तुम्ही पाहू शकता की, विराटला पाहताच अनुष्का धावत येते आणि त्याला घट्ट मिठी मारते. तेव्हा विराट खूप भावुक होऊन रडतो. त्यानंतर तो अनुष्काच्या कपाळावर किस करतो. दोघांनी एकमेकांना मिठी मारल्याचा व्हिडीओ सोशल मीडियावर व्हायरल होत आहे.

अनुष्का कायमच विराटला साथ देताना दिसते. मॅच दरम्यानचे त्यांचे अनेक व्हिडीओ आणि फोटो सोशल मीडियावर व्हायरल होत असतात. अनुष्का आणि विराटचे ट्रॉफीसोबतही अनेक फोटो व्हायरल होत आहे. दोघांच्या चेहऱ्यावर खूप आनंद दिसत आहे. RCBच्या विजयानंतर विराट खूप भावुक होतो. तो मैदानावरच गुडघ्यावर बसून रडू लागतो. त्यांच्या डोळ्यांतील पाणी थांबतच नव्हते.

विराट आणि अनुष्काच्या या व्हिडीओवर चाहत्यांकडून कमेंट्सचा वर्षाव होत आहे. सध्या सर्वत्र विराट आणि रॉयल चॅलेंजर्स बंगळुरूच्या चाहत्यांसाठी हा आनंदाचा क्षण आहे. अनुष्का शर्मा ही मूळची बंगळुरूची आहे. त्यामुळे तिच्या आनंदात अजून भर पडली आहे. विराटचा मैदानातील आनंद पाहून सर्वच भावुक झाले आहेत.