'इंडियाज गॉट लेटेंट' या वादग्रस्त शोमुळे चर्चेत आलेला रणवीर अलाहाबादिया ढसाढसा रडलाय.आपण केलेल्या कृत्याचा त्याला पश्चाताप झालाय असा दावा करण्यात आलाय.खरंच रणवीरला आपल्या कृत्याचा पश्चाताप झालाय का? याची आम्ही पडताळणी केली. त्यावेळी काय सत्य समोऱ आलं पाहुयात.

हा आहे रणवीर अलाहाबादिया. आता हा रणवीर ढसाढसा रडतोय.'इंडियाज गॉट लेटेंट' या वादग्रस्त शोमुळे सध्या चर्चेत आलाय. मात्र, शोदरम्यान अश्लील कमेंट केल्यानं त्याच्यावर गुन्हा दाखल झालाय.आपण केलेल्या कृत्याचा त्याला पश्चाताप झाल्याने रडत असल्याचा दावा करण्यात आलाय.

माझ्यामुळे सर्व काही संपलंय असं तो या व्हिडिओत म्हणतोय, काही अश्लील कमेंट केल्यामुळे याच्यावर जोरदार टीका झाली.मात्र, याला आपल्या कृत्याचा पश्चाताप झालाय का? खरंच रणवीर अलाहाबादिया ढसाढसा रडतोय का? व्हायरल झालेला हा व्हिडिओ आताचाच आहे का? याची आम्ही पडताळणी केली. त्यावेळी हा रणवीर का रडतोय हे आमच्या पडताळणीत समोर आलं

व्हायरल सत्य/साम इन्व्हिस्टिगेशन

रणवीर रडतानाचा व्हायरल व्हिडिओ आताचा नाही

रडतानाचा हा व्हिडिओ तीन वर्षे जुना आहे

कोरोनात रणवीरने यूट्यूबवर व्हिडिओ पोस्ट केलेला

कोरोना काळात रणवीरचे कामही थांबले होते

व्हिडिओचा 'इंडियाज गॉट लेटेंट' प्रकरणाशी संबंध नाही

सध्या हा रणवीर चर्चेत आहे.त्यामुळे काही लोक व्हिडिओ व्हायरल करत असतात आणि आपण ते पाहून कमेंट करत असतो. मात्र, याला आपल्या कृत्याचा कसलाही पश्चाताप झालेला नाही. हा व्हिडिओ कोरोनाकाळातील असून, तो व्हिडिओ डिलिट केल्यानं रडत असल्याचा दावा असत्य ठरला.