Pushpa 2 Stampede : पुष्पा २ च्या प्रीमियरवेळी अल्लू अर्जुन आल्याने हैदराबादच्या संध्या थिएटरमध्ये झालेल्या चेंगराचेंगरीत ३५ वर्षीय महिलेचा मृत्यू झाला आणि तिच्या आठ वर्षांच्या मुलीला जीवघेण्या दुखापती झाल्यामुळे आज मंगळवारी हैदराबाद पोलिसांनी तेलुगू अभिनेता अल्लू अर्जुनची चौकशीसाठी बोलावले होते. ११ वाजताच्या दरम्यान सुरु झालेली ही चौकशी ४ तास सुरु होती या चौकशीत अल्लू अर्जूला पोलिसांनी अनेक प्रश्न विचारले.

पोलिसांनी अल्लू अर्जुनला विचारलेल्या प्रश्नांमध्ये या पुढील प्रश्नांचा समावेश आहे.

तुम्हाला प्रीमियरला येण्यास पोलिसांची परवानगी नाकारण्यात आली होती हे तुम्हाला माहिती आहे का?

पोलिसांची परवानगी नाकारली असतानाही ]तुम्हाला प्रीमियरला उपस्थित राहण्यासाठी कोणी सांगितले होते?

बाहेर झालेल्या चेंगराचेंगरीची माहिती तुम्हाला कोणत्याही पोलिस अधिकाऱ्याने दिली का?

महिलेच्या मृत्यूची माहिती तुम्हाला कधी मिळाली?

हैदराबादच्या संध्या थिएटरमध्ये झालेल्या चेंगराचेंगरीच्या नऊ दिवसांनंतर, १३ डिसेंबर रोजी पोलिसांनी अल्लू अर्जुनला अटक केली होती. काही तासांनंतर त्याला कनिष्ठ न्यायालयाने १४ दिवसांसाठी न्यायालयीन कोठडीत पाठवण्यात आले. त्यानंतर काही तासांतच, या प्रकरणाला नाट्यमय वळण आले. तेलंगणा उच्च न्यायालयाने आलू अर्जुनला तो एक अभिनेता आहे म्हणून त्याला अशा प्रकारे ताब्यात ठेवता येणार नाही असे सांगून अंतरिम जामिनावर सोडले.

दरम्यान, या प्रकरणात मृत पावलेल्या महिलेच्या पतीने चेंगराचेंगरीसाठी अल्लू अर्जूला जबाबदार न धरत त्याच्याविरुद्धतील खटला मागे घेण्यास तयार आहे. अल्लू अर्जुनने पीडितांच्या कुटुंबासाठी २५ लाख रुपयांची घोषणा केली, तर त्याच्या 'पुष्पा २: द राइज' चित्रपटाच्या निर्मात्यांनी ५० लाख रुपयांची अतिरिक्त मदत जाहीर केली आहे.