Housefull 5 Box Office Collection Day 7: अक्षय कुमारचा बहुप्रतिक्षित आणि बहुचर्चित चित्रपट ‘हाउसफुल 5’ ने बॉक्स ऑफिसवर दमदार सुरुवात केली होती. या विनोदी आणि थरारक सस्पेन्सने भरलेल्या चित्रपटाने पहिल्या आठवड्यातच मोठी कमाई करत प्रेक्षकांची मनं जिंकली. मात्र, गुरुवार म्हणजेच सातव्या दिवशी चित्रपटाच्या कमाईत घट झाली असूनही एकूण आकडे बघता चित्रपट यशस्वी ठरतोय.

पहिल्या दिवशी जवळपास २४ कोटी, दुसऱ्या दिवशी ३१ कोटी आणि तिसऱ्या दिवशी ३२.५ कोटी रुपयांची कमाई करत 'हाउसफुल 5' ने शानदार ओपनिंग मिळवली. चौथ्या ते सहाव्या दिवशी काहीसा गतीने घसरत हा आकडा १३ कोटी, ११.२५ कोटी आणि ८ कोटी रुपयांवर आला. सातव्या दिवशी म्हणजेच गुरुवारी चित्रपटाने ६.७५ कोटी रुपये कमावले.

यामुळे एकूण सात दिवसांत ‘हाउसफुल 5’ ची एकूण कमाई 127 कोटींच्या घरात पोहोचली आहे. ही माहिती Box Office tracking प्लॅटफॉर्म Sacnilk च्या आकडेवारीवरून समोर आली आहे. गुरुवारी कमाईत थोडी घट झाली असली, तरी अक्षय कुमारसाठी हा चित्रपट विशेष आहे कारण त्याच्या ‘100 कोटी क्लब’मधील 18व्या चित्रपटाचं स्थान यामुळे निश्चित झालं आहे.

या चित्रपटात अक्षय कुमार, रितेश देशमुख, अभिषेक बच्चन, संजय दत्त जॉकी श्रॉफ यांच्या भूमिका असून, ‘Housefull 5A’ आणि ‘Housefull 5B’ या दोन वेगळ्या व्हर्जनमध्ये हा चित्रपट प्रदर्शित करण्यात आला आहे. यामुळे प्रेक्षकांमध्ये उत्सुकता वाढली आणि वेगवेगळ्या सस्पेन्स व ट्विस्ट्सने भरलेली कहाणी पाहायला मिळाली.