आज (16 ऑक्टोबर ) बॉलिवूडच्या 'ड्रीम गर्ल' चा म्हणजे हेमा मालिनी यांचा 76 वा वाढदिवस आहे. हेमा मालिनी यांनी 90 चे दशक गाजवले आहे. मा मालिनी यांनी 100 हून अधिक चित्रपट केले आहेत. त्यांची मोठी फॅन फॉलोइंग आहे.

बॉलिवूडचे ज्येष्ठ अभिनेते धर्मेंद्र (Dharmendra) यांनी पहिल्या पत्नीला घटस्फोट न देता अभिनेत्री हेमा मालिनी (Hema Malini) यांच्याशी दुसरा संसार थाटला. यांच्या लग्नाला जवळपास 44 वर्ष पूर्ण झाली. राम कमल मुखर्जी यांनी लिहिलेल्या 'हेमा मालिनी: बियॉन्ड द ड्रीम गर्ल' या पुस्तकात हेमा मालिनी यांनी खासगी आयुष्यातील काही गोष्टींचा खुलासा केला आहे.

बॉलिवूड अभिनेत्री हेमा मालिनीने सांगितले होते की, "धर्मेंद्र यांच्याशी लग्न केल्यानंतर मी कधीच त्यांच्या पहिल्या पत्नीला भेटली नाही. लग्नाआधी आमची एखादी भेट झाली असेल. मात्र लग्नानंतर आमची पुन्हा कधीच भेट झाली नाही. कारण मला कुणाला त्रास द्यायचा नव्हता. धर्मेंद्र यांनी माझ्यासाठी खूप केलं आहे. तसेच ते माझ्या मुलीसाठीही खूप करतात. यामुळे मी खूप आनंदी आहे. "

हेमा मालिनी पुढे म्हणाल्या की, "धर्मेंद्र यांनी योग्य पद्धतीने वडिलांची भूमिका पार पाडली आहे. मी स्वतः आज स्वतःच्या पायांवर भक्कम उभी आहे. तसेच मी स्वतःची प्रतिष्ठा देखील कायम सक्षम ठेवली आहे. "धर्मेंद्र आणि हेमा मालिनी यांनी अनेक चित्रपट एकत्र केले आहेत. त्यांच्या अभिनयाचे चाहते दिवाने आहेत.

तसेच अभिनेत्री हेमा मालिनी यांनी धर्मेंद्र यांची पहिली पत्नी प्रकाश कौर बद्दल मोठं वक्तव्य केलं होतं. त्या म्हणाल्या की, "मी प्रकाश कौर यांच्याबद्दल कधीच बोली नाही. त्यांच्यावर कोणतेही वक्तव्य केलं नाही. मात्र मी त्यांचा आदर आणि सन्मान करते. तसेच माझी दोन मुली देखील धर्मेंद्र यांच्या पहिल्या कुटुंबाचा सन्मान करतात. " तसेच ईशा देखील अभिनेता सनी देओल आणि बॉबी देओल या दोघांना राखी बांधते.