नृत्यांगना गौतमी पाटील तिच्या लावणीमुळे कायम चर्चेत असते. तिच्या गाण्यातील कातिल अदा पाहून चाहते फिदा होतात. तिचा मोठा चाहता वर्ग आहे. आपल्या डान्स आणि अभिनयाने तिने चाहत्यांना वेड लावले आहे. 'वामा - लढाई सन्मानाची' या आगामी मराठी चित्रपटाचा जबरदस्त टिझर नुकताच प्रदर्शित झाला असून तो प्रेक्षकांच्या पसंतीस चांगलाच उतरला आहे.

चित्रपटातील 'फायर ब्रिगेडला बोलवा' हे जबरदस्त आयटम साँग नुकतेच प्रेक्षकांच्या भेटीला आले आहे. या गाण्याने सोशल मीडिया अक्षरशः धुमाकूळ घातला आहे. महाराष्ट्राची लोकप्रिय नृत्यांगना गौतमी पाटील (Gautami Patil ) हिने या गाण्यावर भन्नाट डान्स केला आहे. तिच्या ठसकेबाज अदांनी तिने प्रेक्षकांना वेड लावले आहे.

'फायर ब्रिगेडला बोलवा' गाण्यातील गौतमी पाटीलच्या ठसकेबाज नखरे पाहून चाहते दिवाने झाले आहेत. 'फायर ब्रिगेडला बोलवा' हा गाणे वैशाली सामंतने गायले आहे. सुचिर कुलकर्णी यांचे कमाल संगीत या गाण्याला मिळाले आहे. गाण्याचे बोल तरंग वैद्य यांचे आहेत. गौतमी पाटीलच्या या नवीन गाण्याला चाहत्यांकडून चांगला प्रतिसाद मिळत आहे. या गाण्यावर चाहत्यांकडून कमेंट्सचा वर्षाव होत आहे. गाण्यामध्ये गौतमीने केशरी रंगाची साडी नेसली आहे.

'वामा - लढाई सन्मानाची' चित्रपटाची कथा स्त्री सन्मान, आत्मगौरव आणि संघर्ष याभोवती फिरते. या चित्रपटात अभिनेत्री कश्मीरा कुलकर्णी प्रमुख भूमिकेत पाहायला मिळणार आहे. तसेच चित्रपटात डॉ. महेश कुमार, गणेश दिवेकर, जुई बी हे कलाकारही झळकणार आहेत. 'वामा - लढाई सन्मानाची' चित्रपटाचे दिग्दर्शक अशोक कोंडके आहेत. तर निर्माते सुब्रमण्यम के आहेत. 'वामा - लढाई सन्मानाची' चित्रपट 23 मे ला प्रेक्षकांच्या भेटीला येणार आहे.

नृत्यांगना गौतमी पाटील सध्या 'शिट्टी वाजली रे' या मराठी कुकिंग शोमध्ये पाहायला मिळत आहे. 'शिट्टी वाजली रे' कार्यक्रमात कॉमेडी आणि पदार्थांची मेजवानी पाहायला मिळत आहे. या कार्यक्रमाला चाहत्यांकडून उत्तम प्रतिसाद मिळतो आहे.