Raju Srivastava Health Update | मुंबई : प्रसिद्ध कॉमेडीयन राजू श्रीवास्तव(Raju Srivastava) याची प्रकृती चिंताजनक आहे. रुग्णालयात दाखल झाल्यापासून त्याचे चाहते आणि कुटुंबीय सोशल मीडियावर त्यांच्या प्रकृतीत सुधारणा व्हावी यासाठी सतत प्रार्थना करत आहेत. आता कॉमेडियन राजू श्रीवास्तवचे कुटुंब एम्स रुगणालयाच्या जवळील गुरुद्वारात प्रार्थना करण्यासाठी गेले. राजूचे कुटुंबीय त्याच्या प्रकृतीशी संबंधित सर्व अपडेट्स सोशल मीडियावर(Social Media) त्याच्या चाहत्यांसोबत शेअर करत आहेत. सध्या राजूच्या प्रकृतीत कोणतीही सुधारणा नाही. त्यांना एम्स रुग्णालयात अद्यापही व्हेंटिलेटरवर ठेवण्यात आले आहे, असे त्यांनी सांगितले.

वृत्तानुसार, राजू श्रीवास्तव यांचा भाऊ काजू श्रीवास्तव यांचा मेहुणा प्रशांतने प्रसारमाध्यमांशी संवाद साधताना सांगितले की, राजू श्रीवास्तवचे संपूर्ण कुटुंब एम्स रुग्णालयामध्ये आहे. त्याच्या प्रकृतीत अद्याप कोणतीही सुधारणा झालेली नाही. कालप्रमाणे आजही राजूची प्रकृती चिंताजनक आहे. सर्व जण त्याच्या आरोग्यासाठी प्रार्थना करत आहेत. प्रशांतने सांगितले की, आज सकाळी त्याचे संपूर्ण कुटुंब गुरुद्वारामध्ये गेले होते. राजूची प्रकृती सुधारावी म्हणून त्याचे कुटुंब प्रार्थना करण्यासाठी गुरुद्वारामध्ये गेले होते.

इतकंच नाही तर राजूबद्दल बोलताना प्रशांत पुढे म्हणाला की, राजू भाई हे आपल्या सर्वांचे लाडके कलाकार आहेत. देशभरात लाखो लोक त्याच्या आरोग्यासाठी प्रार्थना करत आहेत. काल त्याच्या प्रकृतीत थोडी सुधारणा झाल्याची माहिती त्यांच्यावर उपचार करणाऱ्या डॉक्टरांच्या पथकाने दिली होती. पण, त्यानंतर पुन्हा त्याची प्रकृती बिघडली. राजू श्रीवास्तवचा भाऊ काजू देखील दिल्लीत आहे. पण अजूनही राजूच्या प्रकृतीबाबत त्याला कोणतीही माहिती नाही, असे सांगण्यात येत आहे.