डॉ. बाबासाहेब आंबेडकर यांची आज १३३ वी जयंती आहे. डॉ. बाबासाहेब आंबेडकर यांचा जन्म १४ एप्रिल १८९१ ला मध्यप्रदेशातील महू मध्ये झाला. डॉ. बाबासाहेब आंबेडकर यांच्या जीवनावर आधारित अनेक चित्रपट बनले आहेत. डॉ. बाबासाहेब आंबेडकर यांचं जीवन उलघडणारे तामिळ, मराठी, कन्नड अशा अनेक भाषांमध्ये असंख्य चित्रपट बनले आहेत. डॉ. बाबासाहेब आंबेडकर यांच्या आज जयंती निमित्त त्यांच्यावर बनलेल्या काही चित्रपटांवर नजर टाकूया.

भीम गर्जना (1990)

विजय पवार यांचा 'भीम गर्जना' हा डॉ. बाबासाहेब आंबेडकर यांच्या जीवनावर आधारित चित्रपटांपैकी एक आहे. हा चित्रपट मराठी भाषेतील आहे. भारतीय संविधान तयार करताना भारताच्या भविष्याबद्दलचे विचार आणि डॉ. बाबासाहेब आंबेडकर यांचे विचार यावर चित्रपट आधारित आहे.

बालक आंबेडकर (1991)

हा चित्रपट डॉ. बाबासाहेब आंबेडकर यांच्या बालपणीच्या जीवनावर आधारित आहे. बसवराज केस्तुर दिग्दर्शित हा कन्नड भाषेतील चित्रपट आहे.

डॉ. बाबासाहेब आंबेडकर (2000)

जब्बार पटेल यांच्या या चित्रपटामध्ये डॉ. बाबासाहेब आंबेडकर यांचे कोलंबिया विद्यापीठातील महाविद्यालयीन दिवस, त्यांचा प्रवास आणि स्वातंत्र्य लढ्यातील त्यांची वाटचाल यांचा मागोवा घेण्यात आला आहे. त्यांच्या आयुष्यातील अनेक महत्त्वाच्या घटना दाखवण्याचा प्रयत्न या चित्रपटात करण्यात आला आहे. (Bollywood)

डॉ. बीआर आंबेडकर (2005)

शरण कुमार कब्बर यांचा हा कन्नड भाषेतील चित्रपट आहे. चित्रपटामध्ये डॉ. बाबासाहेब आंबेडकर यांचा संपूर्ण जीवनप्रवास दाखवण्यात आला आहे. (Bollywood Film)

बाळ भीमराव (2018)

या मराठी चित्रपटाचे दिग्दर्शन प्रकाश नारायण जाधव यांनी केले आहे. हा चित्रपट डॉ. बाबासाहेब आंबेडकरांच्या जीवनावर, त्यांच्या विचारसरणीवर आणि तत्त्वज्ञानावर आधारित आहे. (Entertainment News)