प्रसिद्ध दिग्दर्शक अनुराग कश्यप यांच्या मुलीचा नुकताच लग्न सोहळा पार पडला आहे. आलिया कश्यपने (Aaliyah Kashyap ) तिचा बॉयफ्रेंड शेन ग्रेगोयरसोबत लग्नगाठ बांधली आहे. त्यांच्या लग्नाचे फोटो सध्या सोशल मीडियावर व्हायरल होते. आलिया कश्यपने वयाच्या २३ वर्षी लग्नगाठ बांधली आहे.

आलिया आणि शेन ग्रेग्रोयर यांचा 2023 मध्ये साखरपुडा पार पडला होता. आता त्यांचा शाही विवाह सोहळा 11 डिसेंबरला पार पडला. त्यांचे लग्न मुंबईच्या बॉम्बे क्लब महालक्ष्मी रेसकोर्समध्ये पार पडले. याच्या लग्नाला बॉलिवूडचे अनेक मंडळी आले होते. आलियाने आपल्या लग्नाचे फोटो सोशल मीडियावर शेअर केले आहे. या फोटोंना आलियाने खूप खास कॅप्शन दिलं आहे. तिने लिहिलं की, "Now And Forever" त्यांच्या या फोटोंवर चाहते आणि सेलिब्रिटींकडून शुभेच्छा आणि प्रेमाचा वर्षाव होत आहे.

आलिया-शेन ग्रेग्रोयर लग्नातील लूक

आलिया आणि शेन ग्रेग्रोयर (Shane Gregoire) दोन्ही लग्नामध्ये खूप सुंदर दिसत होते. आलिया पेस्टल रंगात ऑफ व्हाइट पिंक कलरमध्ये लेहेंगा परिधान केला होता. तर शेन ग्रेग्रोयर त्याच रंगाला मॅचिंग अशी शेरवानी घातली होती. दोघांचाही पारंपारिक लूक चाहत्यांना खूप आवडला आहे.

अनुराग कश्यप यांचा डान्स

लेकीच्या लग्नात अनुराग कश्यप (Anurag Kashyap) यांनी भन्नाट डान्स केला. ढोल-ताशाच्या तालावर अनुराग कश्यपने ठेका धरला. त्यांचा डान्स व्हिडीओ सध्या सोशल मीडियावर तुफान व्हायरल होत आहे.

आलिया-शेन ग्रेग्रोयरची लव्ह स्टोरी

आलिया आणि शेन ग्रेग्रोयरची पहिली भेट डेटिंग अॅपवर झाली होती. त्यानंतर ते दोघे छान बोलत राहीले आणि कालांतराने त्यांच्यात चांगली मैत्री झाली. अखेर शेन ग्रेग्रोयरनं बालीमध्ये आलिया कश्यपला प्रपोज केले. त्यांनंतर त्यांनी आपले नाते घरी सांगितले आणि २०२३ मध्ये त्यांचा साखरपुडा पार पडला.