12 सप्टेंबरला बॉक्स ऑफिसवर तीन मराठी चित्रपट रिलीज झाले. ज्यात दिलीप प्रभावळकर (Dilip Prabhavalkar ) यांचा 'दशावतार' (Dashavatar) , ललित प्रभाकरचा 'आरपार' आणि उमेश कामतचा 'बिन लग्नाची गोष्ट' यांचा समावेश आहे. 'दशावतार' चित्रपटाचे दिग्दर्शक सुबोध खानोलकर आहेत. 'दशावतार' ही कोकणातील एक लोककला आहे.

'दशावतार' चित्रपटाचे बजेट किती?

मीडिया रिपोर्टनुसार, 'दशावतार' चित्रपटाचे बजेट 7 कोटी रुपये आहे. मात्र चार दिवसांत चित्रपटाने 5 कोटींचा टप्पा ओलांडला आहे. बजेट वसूल करण्यासाठी अजून 2 कोटींची गरज आहे. या आठवड्याच्या शेवटपर्यंत चित्रपट आपले बजेट वसूल करेल असे बोले जात आहे. 'दशावतार' ने 'आरपार' आणि 'बिन लग्नाची गोष्ट' या चित्रपटांना मागे टाकले आहे.

'दशावतार' बॉक्स ऑफिस कलेक्शन दिवस 4

• दिवस पहिला - 58 लाख रुपये

• दिवस दुसरा - 1.39 कोटी रुपये

• दिवस तिसरा - 2.4 कोटी रुपये

• दिवस चौथा - 1.01 कोटी रुपये

• एकूण - 5.7 कोटी रुपये

आरपार

'आरपार'मध्ये हृता दुर्गुळे आणि ललित प्रभाकर ही नवीन जोडी झळकली आहे. 'आरपार' ही प्रेमकथा आहे. मीडिया रिपोर्टनुसार, 'आरपार' चित्रपटाने चार दिवसांत 60 लाख रुपयांच्यावर कमाई केली आहे.

बिन लग्नाची गोष्ट

'बिन लग्नाची गोष्ट'मध्ये प्रिया बापट आणि उमेश कामत एकत्र झळकले आहेत. यात निवेदिता सराफ देखील पाहायला मिळत आहे. मीडिया रिपोर्टनुसार,चित्रपटाने चार दिवसांत 53 लाखांपेक्षा जास्त कमाई केली आहे.

रेकॉर्ड ब्रेक कामगिरी

'दशावतार' हा मराठी चित्रपट 2025 मधील सर्वाधिक कमाई करणारा मराठी चित्रपट ठरणार आहे. या चित्रपटाने सई ताम्हणकरच्या 'गुलकंद' चित्रपटाला मागे टाकले आहे. 'गुलकंद'ने चार दिवसांत 1.79 कोटी कमावले होते. तर नेट कलेक्शन 7.34 कोटी रुपये आणि ग्रॉस कलेक्शन 8.66 कोटी रुपये झाले. 'दशावतार' ची अशीच यशस्वी घोडदौड पुढे ही चालत राहीली तर नक्कीच बॉलिवूडच्या मोठा चित्रपटांना मागे टाकेल.