Dhurandhar 2 Day 7 Box Office: आदित्य धर दिग्दर्शित धुरंधर: द रिव्हेंज हा चित्रपट सध्या बॉक्स ऑफिसवर तुफान कमाई करत आहे. चित्रपट प्रदर्शित होऊन अवघ्या सात दिवसातच हा चित्रपट १००० कोटी क्लबच्या अगदी जवळ पोहोचला आहे. रणवीर सिंगसह सर्व कलाकारांच्या दमदार अभिनयामुळे आणि उत्तम कथेमुळे प्रेक्षकांचा जबरदस्त प्रतिसाद चित्रपटाला मिळत आहे. म्हणूनच चित्रपटाने पहिल्याच दिवशी १०२ कोटींची कमाई करत नवा रेकॉर्ड केला.

चित्रपटाने पहिल्या आठवड्यात मोठी कमाई करत सगळ्यांना थक्क केले आहे. ‘पेड प्रिव्ह्यूज’मधूनच ४३ कोटींची कमाई करणाऱ्या या चित्रपटाने दुसऱ्या दिवशी ८०.७२ कोटींची कमाई केली. त्यानंतर वीकेंडला चित्रपटाने जबरदस्त कमाई केली. तिसऱ्या दिवशी ११३ कोटी आणि चौथ्या दिवशी ११४.८५ कोटींची कमाई करत ‘धुरंधर २’ने बॉक्स ऑफिसवर अक्षरशः धुमाकूळ घातला.

आठवड्याच्या सुरुवातीला देखील चित्रपटाची गती कमी झाली नाही. पाचव्या दिवशी ६५ कोटी, सहाव्या दिवशी ५६.६० कोटी आणि सातव्या दिवशी ४३.७६ कोटींची कमाई करत चित्रपटाने सात दिवसांतच अनेक रेकॉर्ड मोडले आहेत. या सात दिवसांच्या धडाकेबाज कामाईमुळे चित्रपटाची एकूण कमाई झपाट्याने वाढत आहे. आतापर्यंतच्या आकडेवारीनुसार, धुरंधर २ ने भारतात ६१९.४८ कोटींचा टप्पा पार केला आहे. तर जागतिक स्तरावर या चित्रपटाची एकूण कमाई ९४१ कोटी रुपयांवर पोहोचली आहे. त्यामुळे हा चित्रपट लवकरच १००० कोटींच्या क्लबमध्ये एन्ट्री करणार आहे.

या चित्रपटांचा रेकॉर्ड मोडला

रणवीर सिंगच्या या चित्रपटाने सनी देओलचा 'गदर २' (Gadar 2) आणि शाहरुख खानचा 'पठाण' (Pathaan) या चित्रपटांचे रेकॉर्ड मोडले आहेत. बुधवारी, 'धुरंधर २' ने देशात बॉक्स ऑफिसवर ६०० कोटी रुपयांचा टप्पा सहजपणे पार केला आणि विकी कौशलच्या 'छावा' या चित्रपटाची एकूण कमाईचा रेकॉर्ड मोडला.