आदित्य धर यांचा 'धुरंधर' चित्रपट सध्या चांगलाच चर्चेत आहे. 'धुरंधर'मधील अक्षय खन्नाच्या अभिनयाचे सर्वत्र कौतुक होताना पाहायला मिळत आहे. चित्रपटात अक्षय खन्नाने रेहमान डकोइटची भूमिका साकारली आहे. अभिनेता नवीन कौशिक चित्रपटातील एका सीन मागील कहाणी सांगितली आहे. रेहमान डकोइटच्या टोळीतील डोंगाची भूमिका नवीनने साकारली आहे. नवीन कौशिकने खुलासा केला की, एका सीनमध्ये अक्षयला एक-दोन नव्हे तर तब्बल सात वेळा थोबाडीत मारली गेली.

'धुरंधर' चित्रपटात 'भाभी जी घर पर है' फेम अभिनेत्री सौम्या टंडन रेहमानची पत्नी उल्फतची भूमिका करत आहे. चित्रपटाच्या सुरुवातीला एक सीन दाखवण्यात आला आहे ज्यामध्ये, सौम्या टंडन तिच्या मोठ्या मुलाच्या मृत्यूबद्दल रेहमान डकोइटवर राग काढताना दिसते. तिच्या मुलाच्या मृत्यूची बातमी मिळताच ती रडत रुग्णालयात जाते आणि रेहमान डकोइटच्या कानाखाली मारते.

एका मिडिया मुलाखतीत त्यांनी सांगितले की, "या सीनमध्ये सात वेळा रिटेक घेण्यात आले आहे." नवीन म्हणाला, "सौम्या अक्षय सरांच्या थोबाडीत मारण्यासाठी थोडीशी संकोच करत होती. तो सीन दमदार बनवण्यासाठी अक्षय सर एकामागून एक रिटेक घेत होते. अक्षय सरांना इतक्या वेळा थोबाडीत मारण्यात आली पण त्यांनी एकदाही संकोच केला नाही. अक्षय सर आणि आदित्य सर सौम्याला समजावून सांगत होते की, तू या कॅरेक्टरमध्ये उतर...असे समजू नको की तुझ्यासमोर एक स्टार उभा आहे..."

लग्नसोहळ्यात झालेल्या गँगवॉरमध्ये रहेमान आणि उल्फतच्या मोठ्या मुलाचा मृत्यू होतो. त्यामुळे उल्फत रेहमानवर चिडते आणि रागात भावना व्यक्त करत त्याला मारते. सध्या 'धुरंधर' चित्रपट हाऊसफुल पाहायला मिळत आहे. मीडिया रिपोर्टनुसार, 'धुरंधर' ने 200 कोटींचा टप्पा ओलांडला आहे.