Dhurandhar 2 Collection: १९ मार्च रोजी प्रदर्शित झालेल्या 'धुरंधर २' या चित्रपटाने बॉक्स ऑफिसवर उत्तम कमाई करत असून ही घोडदौड कायम सुरु आहे. आठवड्याचे दिवस असो किंवा शनिवार-रविवार, या चित्रपटाच्या कमाईत कोणतीही घट दिसत नाही. उलट प्रत्येक दिवशी चित्रपट नवे रेकॉर्ड ब्रेक करत आहेत.

‘सॅकनिल्क’च्या आकडेवारीनुसार, चित्रपटाने पहिल्याच दिवशी सुमारे १०२ कोटींची दमदार ओपनिंग केली. त्यानंतर सलग काही दिवस चित्रपटाने जवळपास १०० कोटींची कमाई कायम ठेवत बॉक्स ऑफिसवर वर्चस्व गाजवले. विशेष म्हणजे, १६व्या दिवशीही चित्रपटाने २१.५५ कोटींची भर घालत आपली पकड मजबूत ठेवली आहे.

या कमाईसह भारतातील 'धुरंधर २'ची एकूण नेट कमाई ९५९.३७ कोटींवर पोहोचली आहे, तर ग्रॉस कमाई १,१४८.५८ कोटी इतकी झाली आहे. जागतिक स्तरावर पाहता, या चित्रपटाने तब्बल १,५२३.५८ कोटींची कमाई करत मोठा टप्पा पार केला आहे.

दरम्यान, १७ एप्रिल रोजी भूत बंगला प्रदर्शित होईपर्यंत कोणताही मोठा चित्रपट रिलीज होणार नसल्याने, या कालावधीत धुरंधर २ची चित्रपटगृहांवर कमाई चांगली होईल. दिग्दर्शक आदित्य धर यांच्या दिग्दर्शनाखाली तयार झालेल्या या ॲक्शन-थ्रिलरमध्ये रणवीर सिंग, अर्जुन रामपाल, संजय दत्त, आर. माधवन यांसारख्या दमदार कलाकारांच्या भूमिका आहेत.