Dhamaal 4 Movie: अजय देवगण, रितेश देशमुख स्टारर 'धमाल-४' या चित्रपटाच्या प्रदर्शनाची सर्वांनाच उत्सुकता आहे. सोशल मीडियावर या विनोदी चित्रपटाशी संबंधित एक अपडेट समोर आली आहे. या चित्रपटाचे शूटिंग पूर्ण झाले आहे आणि लवकरच हा चित्रपट थिएटरमध्ये प्रदर्शित होईल. अलीकडेच या चित्रपटातील कलाकारांचा फोटो समोर आला होते, यामध्ये अनेक नवीन कलाकारांची ओळख करुन दिली आणि आता या चित्रपटाची रिलीज डेट देखील जाहिर करण्यात आली आहे.

अजय देवगणने इंस्टाग्रामवर एका मजेदार पोस्टद्वारे शूटिंग पूर्ण झाल्याची माहिती दिली आहे. त्याने एका वर्तमानपत्राच्या कटिंगमध्ये छापलेला स्वतःचा एक फोटो शेअर केला आहे, यावर 'धमाल टाईम्स' आणि 'ब्रेकिंग न्यूज' लिहिलेले आहे. त्यात १० कलाकारांचे फोटो आहेत. तसेच कॅप्शन दिले आहे की, 'आजची ताजी बातमी तुमच्यासाठी घेऊन येत आहे, ती टोळी जी आता लवकरच तुमचे मन लुटण्यासाठी येत आहे. 'धमाल ४' २०२६ च्या ईदला थिएटरमध्ये प्रदर्शित होईल.'

'धमाल ४' ची रिलीज डेट

टी-सीरीजनेही त्यांच्या अधिकृत इंस्टाग्राम अकाउंटवर ही पोस्ट पोस्ट केली आहे. ज्याच्या कॅप्शनमध्ये त्यांनी लिहिले आहे की, 'या स्वाइपने तुम्ही काश्मीरपासून कन्याकुमारीपर्यंत पोहोचू शकता. बातमी अशी आहे की, 'धमाल ४' चे शूटिंग पूर्ण झाले आहे. आता धमालची मजा सुरू होईल! २०२६ च्या ईदमध्ये भेटू!'

'धमाल ४' मधील कलाकार

यासोबतच, ईशा गुप्ता, अर्शद वारसी, रितेश देशमुख आणि इतर कलाकारांनीही त्यांच्या सोशल मीडिया हँडलवर पोस्ट केले आहेत. या चित्रपटात अजय देवगणसह संजय मिश्रा, ईशा गुप्ता, संजीदा शेख, अंजली आनंद, उपेंद्र लिमये, विजय पाटकर आणि रवी किशन सारखे उत्तम कलाकार आहेत. इंद्र कुमार दिग्दर्शित, हा चित्रपट टी-सीरीज, देवगण फिल्म्स, मारुती इंटरनॅशनल आणि पॅनोरमा स्टुडिओजच्या बॅनरखाली बनवण्यात आला आहे आणि अजय देवगण, भूषण कुमार, कृष्ण कुमार, अशोक ठाकेरिया, इंद्र कुमार, आनंद पंडित आणि कुमार मंगत पाठक यांनी निर्मिती केली आहे.