ज्येष्ठ अभिनेते दिलीप प्रभावळकर (Dilip Prabhavalkar ) यांच्या 'दशावतार' (Dashavatar) चित्रपट 12 सप्टेंबरला रिलीज झाला. सध्या तो बॉक्स ऑफिसवर धुमाकूळ घालताना दिसत आहे. 'दशावतार' चित्रपटाचे दिग्दर्शक सुबोध खानोलकर आहेत. 'दशावतार' चित्रपटात दिलीप प्रभावळकर यांच्यासोबत महेश मांजरेकर, भरत जाधव, प्रियदर्शनी इंदलकर, सिद्धार्थ मेनन, अभिनय बेर्डे, आरती वडगबाळकर, रवी काळे, सुनील तावडे आणि विजय केंकरे हे कलाकारांनी महत्त्वाच्या भूमिका साकारल्या आहेत.

'दशावतार' स्पेशल ऑफर

'दशावतार' चित्रपटाच्या टीमने प्रेक्षकांसाठी एक खास ऑफर ठेवली होती. ज्याचा फायदा सिनेमाला खूप झाला आहे. चित्रपटाने पाच दिवसांत बक्कळ कमाई केली. 'दशावतार' चित्रपट (16 सप्टेंबर) मंगळवारी फक्त 99 रुपयांत प्रेक्षकांना पाहायला मिळाला. ज्यामुळे मंगळवारी देखील शो हाउसफुल राहीला. चित्रपटाने मंगळवारी किती कोटींचा व्यवसाय केला, जाणून घेऊयात.

'दशावतार' बॉक्स ऑफिस कलेक्शन दिवस 5

• दिवस पहिला - 58 लाख रुपये

• दिवस दुसरा - 1.39 कोटी रुपये

• दिवस तिसरा - 2.4 कोटी रुपये

• दिवस चौथा - 1.01 कोटी रुपये

• दिवस पाचवा - 1.3 कोटी रुपये

• एकूण - 6.8 कोटी रुपये

'दशावतार' चित्रपट लवकरच 10 कोटींचा व्यवसाय करणार असल्याचे चित्र पाहायला मिळत आहे. या चित्रपटाची कथा आणि दिलीप प्रभावळकर यांच्या अभिनयाने प्रेक्षकांच्या मनात घर केले आहे. प्रेक्षक चित्रपट पुन्हा पुन्हा पाहायला थिएटरमध्ये जाताना दिसत आहे. भविष्यात देखील 'दशावतार' ने अशीच यशस्वी घोडदौड ठेवल्यास चित्रपट नक्कीच बंपर कमाई करेल.