कॉमेडी क्वीन भारती सिंह दुसऱ्यांदा आई झाली आहे. लाफ्टर क्वीनने वयाच्या ४१ व्या वर्षी मुलाला जन्म दिला आहे. दुसऱ्यांना बाळाला जन्म दिल्यानंतर भारत सिंह आणि तिचा नवरा हर्ष यांना आनंदाचा पारावार राहिला नाही. या जोडप्यावर सोशल मीडियातून शुभेच्छांचा वर्षाव होत आहे.

भारती सिंहने काही दिवसांपूर्वी डोहाळे जेवणाचा कार्यक्रम आयोजित केला होता. या कार्यक्रमाला मनोरंजनसृष्टीतील अनेकांनी हजेरी लावली होती. भारतीने सोशल मीडियावरही या डोहाळे जेवणाच्या कार्यक्रमाचा व्हिडिओ शेअर केला होता.

भारती सिंह आणि हर्ष लिंबाचिया यांच्या घरात नव्या पाहुण्याचे आगमन झाल्यानंतर त्यांचे मित्रमंडळी शुभेच्छांचा वर्षाव करत आहेत. भारती सिंह एका कार्यक्रमाच्या शुटिंगला जाताना तिला प्रसृतीच्या वेदना जाणवू लागल्या. त्यानंतर तिला तातडीने रुग्णालयात दाखल केलं. भारती सिंहने एका गोंडस बाळाला जन्म दिला. तिने दुसऱ्यांदा मुलाला जन्म दिला.

भारती सिंह आणि हर्ष लिंबाचिया या दोघांनी त्यांचं दुसरं बाळ जन्माला येणार असल्याची बातमी चाहत्यांना आधीच शेअर केली. भारती सिंहने दुसऱ्यांदा गरोदर झाल्याची बातमी स्विट्जरलँडमधून ही माहिती दिली होती. भारती सिंहने गरोदर असल्याचं जाहीर केल्यानंतर तिच्या बाळाची चाहतेही वाट पाहत होते. तिने एका व्लॉगमध्ये घरात लक्ष्मी जन्माला यावी, अशी इच्छा व्यक्त केली होती. परंतु दोघांनी अद्याप अधिकृत माहिती दिलेली नाही.

भारती सिंहने पहिल्या बाळाला कधी जन्म दिला?

भारती सिंहचा पहिला मुलगा लक्ष्य उर्फ गोला याला २०२२ साली जन्म दिला होता. पहिल्या बाळाला जन्म दिल्यानंतर दुसऱ्या बाळाची देखील इच्छा व्यक्त केली होती. भारती सिंहने अनेक मुलाखतीत तिला यंदा मुलगा नव्हे तर मुलगी हवी, अशी इच्छा व्यक्त केली होती. भारती सिंह आणि हर्ष लिंबाचिया या दोघांनी २०१७ साली गोव्यामध्ये कुटुंब आणि मित्रमंडळीच्या उपस्थितीत लग्न केलं होतं. यानंतर दोघांनी एकत्र अनेक रिअॅलिटी शो होस्ट केले होते.