Chhatrapati Shivaji Maharaj: आज देशभरात छत्रपती शिवाजी महाराज यांची ३९५वी जयंती साजरी केली जात आहे. या निमित्ताने संपूर्ण महाराष्ट्रात शिवोत्सव साजरा करण्यात येतो. शिवाजी महाराजांच्या जीवनावर आधारित अनेक प्रेरणादायी चित्रपट प्रदर्शित झाले आहेत. आज शिवजी महाराजांच्या वैभवशाली इतिहास पुन्हा अनुभवायचा असेल तर हे पुढील पाच चित्रपट आवर्जून पाहा.

मी शिवाजीराजे भोसले बोलतोय

दिग्दर्शक महेश मांजरेकरांचा मी शिवाजी राजे भोसले बोलतोय या चित्रपटात शिवाजी महाराजांच्या आदर्शांचा सामान्य माणसाच्या जीवनावर प्रभाव पडतो, स्वाभिमान आणि सामाजिक जबाबदारीची भावना जागृत करतो अशी एक समकालीन कथा दाखवण्यात आली आहे.

हिरकणी

प्रसाद ओक दिग्दर्शित आणि सोनाली कुलकर्णी अभिनित हिरकणी या चित्रपटात शिवाजी महाराजांच्या कारकिर्दीतील हिरकणी या धाडसी महिलेची हृदयस्पर्शी कहाणी दाखवणयुगात आली आहे. ही हिरकणी तिचे बाळ रात्री एकटं आहे या काळजीमुले सर्वात कठीण बुरुज उतरून आपल्या घरी जाते.

पावनखिंड

दिग्पाल लांजेकर दिग्दर्शित पावनखिंडच्या ऐतिहासिक लढाईचे आणि शिवाजी महाराजांच्या आदेशाखाली मराठ्यांनी दाखवलेल्या शौर्याचे चित्रण करणारा हा चित्रपट आहे. महाराज सुखरूप राहिले पाहिजेत या भावनेने मावळ्यांनी लादलेली लढाई या चित्रपटातून अनुभवता येते.

तान्हाजी: द अनसंग वॉरियर

अजय देवगण आणि काजोल अभिनित तसेच ओम राऊत दिग्दर्शित तान्हाजी हा चित्रपट सुभेदार तान्हाजी यांच्या सिंहगडाच्या लढाईवर आधारित एक उत्तम चित्रपट आहे. या चित्रपटातील शरद केळकर याने साकारलेली छत्रपती शिवाजी महाराजांची भूमिका कौतुकास्पद होती.

छावा

नुकताच प्रदर्शित झालेला लक्ष्मण उतेकर दिग्दर्शित 'छावा' हा चित्रपट खरं तर छत्रपती संभाजी महाराजांवर आधारित आहे. पण या चित्रपटातून छत्रपती शिवाजी महाराजांची शिकवण अनुभवायला मिळतो. तसेच विकी कौशल आणि अक्षय खन्ना यांच्या उत्तम अभिनय पाहण्याची संधी या चित्रपटातून मिळते.