Mobile Stolen Outside Mannat:

बॉलिवूडचा किंग शाहरुख खानने २ नोव्हेंबरला आपला ५८ वा वाढदिवस साजरा केला. वाढदिवसानिमित्त शाहरुखला शुभेच्छा देण्यासाठी त्याच्या मन्नत बंगल्याबाहेर चाहत्यांनी मोठी गर्दी केली होती. यावेळी गर्दीचा फायदा घेत चोरट्यांनी काही चाहत्यांचे मोबाइल लंपास केले होते. पोलिसांनी तातडीने तपासाची चक्रे फिरवत तीन चोरट्यांना अटक केली आहे.

शुभम जमनाप्रसाद (वय २५), इम्रान महेबूब शेख (वय ३०) आणि मोहम्मद अली खाजा नूर सय्यद (वय २७) यांना करण्यात आली अटक करण्यात आली आहे. यात एक वेटर तर दोन बेरोजगार तरुणांचा समावेश आहे. पोलिसांनी या चोरट्यांकडून ९ मोबाईल हस्तगत केले आहेत. वांद्रे पोलिसांनी ही कारवाई केली आहे.

अजूनही २१ चाहत्यांच्या मोबाइलचा शोध पोलिसांकडून घेतला जात आहे. शाहरुखच्या ५८ व्या वाढदिवशी त्याला शुभेच्छा देण्यासाठी मन्नात बंगल्याबाहेर मोठी गर्दी उसळली होती. याच गर्दीचा फायदा घेत चोरांनी मोबाईल लंपास केले होते. यात तीन आरोपींना अटक करण्यात आली आहे.

दरवर्षी वाढदिवसाच्या दिवशी शाहरुख खान आपल्या चाहत्यांसोबत आनंद साजरा करण्यासाठी मन्नत बंगल्यात हजर होतो. शाहरुखला शुभेच्छा देण्यासाठी अनेकजण गर्दी करीत असतात. याच गर्दीचा फायदा घेत चोरट्यांनी चाहत्यांचे मोबाइल लंपास केले होते. याप्रकरणी पोलिसांत तक्रारी दाखल करण्यात आल्या होत्या.

दरम्यान, पोलिसांनी या चोरट्यांना आता अटक केली आहे. मागच्या वर्षी देखील या टोळीने मागच्या वर्षी अशाच प्रकारची चोरी केली होती का? याचा तपास पोलिसांकडून केला जात आहे. या तपासात परिमंडळ ९ पोलीस उपायुक्त कृष्णकांत उपाध्याय आणि वरिष्ठ निरीक्षक संजय मराठे यांच्या नेतृत्वाखाली पोलिसांनी सहायक पोलीस निरीक्षक विजय आचरेकर, उपनिरीक्षक गुरुप्रसाद डफळे आणि पथकाने मन्नत बंगल्याभोवती सुरक्षा आणि सीसीटीव्ही कॅमेऱ्यांची मदत घेतली.