Gadar 2- OMG 2 2nd Day Box Office Collection: सनी देओल, अमिषा पटेल, उत्कर्ष शर्मा मुख्य भूमिकेत असलेल्या ‘गदर २’ची प्रदर्शनाच्या पहिल्या दिवासापासूनच बॉक्स ऑफिसवर चांगलीच कमाई सुरू आहे.

‘गदर २’ आणि ‘OMG 2’ एकाच दिवशी बॉक्स ऑफिसवर प्रदर्शित झाले आहे. दोन्हीही चित्रपटाने बॉक्स ऑफिसवर जबरदस्त ओपनिंगनंतर चित्रपटाने दुसऱ्या दिवशी आणखी धमाका केला आहे. अनिल शर्मा दिग्दर्शित ‘गदर २’ ने दुसऱ्या दिवशी अनेक विक्रम मोडले आहेत.

त्यामुळे सध्या चित्रपट कमाईच्या बाबतीत बराच चर्चेत आला आहे. सनी देओलच्या ‘गदर २’ने तर कहरच निर्माण केला आहे पण अक्षय कुमारचा ‘OMG 2’ देखील त्याला चांगलीच टक्कर देत आहे. चला तर जाणून घेऊया दोन्ही ही चित्रपटांची बॉक्स ऑफिसवरील कमाई...

चित्रपट समीक्षक तरण आदर्श यांनी ‘गदर २’च्या कमाईविषयी ट्वीट केलं आहे, ‘गदर २’ ने दुसऱ्या दिवशी देशात ४३.०८ कोटीं इतकी कमाई केली आहे. चित्रपटाला विकेंडचा चांगलाच फायदा झालेला आहे. पहिल्याच विकेंडला चित्रपटाने ३ कोटींचा नफा मिळवला आहे. अनिल शर्मा दिग्दर्शित ‘गदर २’ने अवघ्या दोन दिवसांतच ८३.१० कोटींची कमाई केली आहे. चित्रपटाचे बजेट एकूण ७५ कोटींचे होते. चित्रपटाने दोन दिवसातच चित्रपटाचा खर्च वसूल केला आहे.

सोबतच ‘OMG 2’च्या कमाईवरही चित्रपट समीक्षक तरण आदर्श यांनी भाष्य केले आहे. चित्रपटाने पहिल्या दिवशी अवघ्या १० कोटींचीच कमाई केली होती. पण या चित्रपटाला देखील विकेंडचा चांगलाच फायदा झाल्याचा दिसून येत आहे. पहिल्याच विकेंडला चित्रपटाने २५ कोटींचा नफा कमावला आहे. चित्रपटाचं एकूण बजेट १५० कोटींचं होतं. चित्रपटाला आपल्या बजेट पर्यंत पोहोचण्यासाठी अजून थोडी तारेवरची कसरत करावी लागणार आहे.

दोन्ही चित्रपटांना येत्या दिवसांमध्ये येणाऱ्या सुट्ट्यांचा चांगलाच फायदा होणार आहे. दोन्ही चित्रपट पहिल्याच आठवड्यात उत्तम कलेक्शन करतील, असा विश्वास सर्वत्र दाखवला जात आहे.