'डॉन' (Don) चित्रपटाच्या प्रत्येक सिक्वेलला प्रेक्षकांकडून दमदार प्रतिसाद मिळालेला आहे. अभिनेते अमिताभ बच्चन (Amitabh Bachchan) आणि शाहरुख खान (Shah Rukh Khan) यांच्यानंतर आता 'डॉन' म्हणून बॉलिवूड अभिनेता रणवीर सिंह दिसणार आहे. गेल्या काही दिवसांपूर्वीच दिग्दर्शक फरहान अख्तर यांनी 'डॉन ३' ची घोषणा केलेली आहे. चित्रपटामध्ये नवा डॉन दिसणार म्हणून अनेकांनी चित्रपटाला विरोध केलेला होता. अशातच आता दिग्दर्शक फरहान अख्तरने चित्रपटाबद्दल महत्वाची माहिती दिलेली आहे.

गेल्या अनेक दिवसांपासून सोशल मीडियावर 'डॉन ३' चा प्रोजेक्ट बंद केल्याची चर्चा सुरू झाली होती. पण अशातच आता या चर्चांवर खुद्द दिग्दर्शक फरहान अख्तरने भाष्य केले आहे. मुलाखतीमध्ये दिग्दर्शक फरहान अख्तरने सांगितले की, "चित्रपटावर अजुनही काम सुरू आहे. प्रोजेक्ट बंद झालेला नाही. चित्रपटाच्या शुटिंगची सुरूवात २०२५ पासून सुरूवात होणार आहे. कारण की, रणवीर सिंहला त्याच्या फॅमिलीसोबत क्वालिटी टाईम स्पेंड करायचा आहे."

मिळालेल्या माहितीनुसार, चित्रपटाच्या शुटिंगला २०२५ पासून सुरूवात होणार आहे. कारण की, रणवीरला त्याच्या फॅमिलीसोबत क्वालिटी टाईम स्पेंड करायचा आहे. येत्या सप्टेंबर २०२४ मध्ये दीपिका आणि रणवीर आई- बाबा होणार आहेत. त्यानंतर तो काही दिवस आपल्या फॅमिलीसोबत टाईम स्पेंड करणार आहे. रणवीर 'डॉन ३' व्यतिरिक्त अन्य चित्रपटांतही दिसणार आहे. मीडिया रिपोर्टनुसार, 'डॉन ३'साठी निर्मात्यांनी रणवीरचे इतर प्रोजेक्ट्सही थांबवलेले आहेत.

'डॉन ३' चित्रपटाबद्दल सांगायचे तर, या चित्रपटामध्ये रणवीर सिंहसोबत बॉलिवूड अभिनेत्री कियारा अडवाणीही दिसणार आहे. दोघेही पहिल्यांदाच या चित्रपटाच्या निमित्ताने एकत्र दिसणार आहे. त्याशिवाय रणवीर सिंह 'सिंघम अगेन'मध्येही दिसणार आहे. हा मल्टीस्टारर चित्रपट येत्या १ नोव्हेंबर २०२४ ला रिलीज होणार आहे. अन्य चित्रपटांतूनही रणवीर प्रेक्षकांच्या भेटीला येणार आहे.