मुंबई : अजय देवगणचा 'कॅाप युनिवर्स'चा सिंघम अगेन सिनेमागृहात प्रदर्शित झाला आहे. मात्र, सुरुवातीला कमाईचा जोर धरलेल्या या चित्रपटाला 'भूल भूलैया 3' सिनेमाने मागे टाकलं आहे. यामुळे 'सिंघम अगेन' सिनेमा कमाईच्या बाबतीत मागे पडला आहे. रोहित शेट्टी दिग्दर्शित 'सिंघम अगेन' हा चित्रपट सिनेमागृहात रिलीज झाला आहे. गेल्या वर्षापासून प्रदर्शित होण्यापासून रखडलेला चित्रपट अखेर १ नोव्हेंबरला प्रेक्षकांच्या भेटीला आला. 'सिंघम अगेन'ने पहिल्या दिवशी बॅाक्स ऑफिसवर दमदार ओपनिंग केली. मात्र, काही दिवसातच बॅाक्स ऑफिस कलेक्शनमध्ये घट झाल्याचं चित्र दिसत आहे. चित्रपटाने 'ओपनिंग डे'ला जबरदस्त कमाई करत सगळ्यांना चकित केले. कमाईसाठी चित्रपटासाठी दिवाळीच्या सुट्ट्या फायदेशीर ठरल्या.
अजय देवगणच्या करिअर मधला हा आतापर्यंतचा सगळ्यात मोठी ओपनिंग देणारा चित्रपट ठरला आहे. प्रेक्षकांना देखील चित्रपट भरपूर आवडल्याचा दिसून आलं. 'सिंघम अगेन'च्या सोबतच 'भूल भूलैया ३' हा सिनेमागृहात रिलीज झाला. त्यातच आता 'सिंघम अगेन'च्या बॅाक्स ऑफिस कलेक्शनचे आकडे समोर आले आहेत. 'ओपनिंग डे'नंतर सलग बॅाक्स ऑफिस कलेक्शनमध्ये घसरण होताना दिसत आहे. तर, सातव्या दिवसाची कमाई ही केवळ ८.७५ कोटींवर येऊन थांबली.
मल्टिस्टारर सिंघम अगेन आणि कार्तिक आर्यनचा 'भूल भूलैया 3' हे दोन्ही चित्रपट सिनेमागृहात १ नोव्हेंबरला आमनेसामने होते. अजय आणि कार्तिकच्या चित्रपटामध्ये चुरशीची लढाई पाहायला मिळत आहे. पहिल्याच दिवशी 'भूल भूलैया 3' सिनेमाला मागे टाकत 'सिंघम अगेन'ने भरारी घेतली आणि ४३.५ कोटीची कमाई केली. तर दुसऱ्या दिवशी ४२.५ कोटी आणि तिसऱ्या दिवशी ३५.७५ कोटींची कमाई केली.
सॅकनिल्क (SACNILK) च्या अहवालानुसार,अजय देवगणच्या चित्रपटाला सातव्या दिवशी ८.७५ कोटींचा गल्ला जमवण्यात यश आलं. अशातच 'सिंघम अगेन'ची एकूण कमाई १७३.०० कोटी झाली आहे. ३५० कोटींच्या बजेटमध्ये या चित्रपटाची निर्मिती झाली आहे. आतापर्यंत, संपूर्ण सिनेमच्या बजेटची निम्मी रक्कम वसूल करण्यात यश आलं आहे.
मात्र, दुसरीकडे 'भूल भूलैया 3' सिनेमाने सातव्या दिवशी ९.५० कोटीची कमाई केली. त्या सिनेमाने 'सिंघम अगेन'ला मागे टाकत कोटींची कमाई करण्यात यशस्वी ठरली आहे. 'भूल भूलैया 3' या चित्रपटाचं बजेट १५० कोटी होते. गुरुवारपर्यंतच्या आकड्यांनुसार 'भूल भूलैया 3' सिनेमाने आतापर्यंत १४८.५० कोटी रुपयांची कमाई केली आहे. यावरुन दिसून येते की, सिनेमागृहात 'सिंघम अगेन' चांगलाच आपटला आहे.
सिंघम , सिंघम २, सिंबा आणि सूर्यवंशी या चित्रपटानंतर सिंघम अगेन रोहित शेट्टीच्या 'कॅाप युनिवर्स'मधील हा पाचवा सिनेमा आहे. या चित्रपटात अजय देवगणसह अक्षय कुमार, रणवीर सिंह, करीना कपूर खान, दीपिका पदुकोण, अर्जुन कपूर, टाइगर श्रॅाफ, आणि जॅकी श्रॅाफ सारखे कलाकार मुख्य भूमिकेत आहे.
Edited by : Priyanka Mundinkeri
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.