बॉलिवूडची प्रसिद्ध अभिनेत्री स्वरा भास्करला रुग्णालयात दाखल करण्यात आले आहे. तिला डेंग्यूची लागण झाली असून याबाबत स्वतः अभिनेत्री स्वरा भास्कर हिने हॉस्पीटल मधील फोटो पोस्ट करत तब्येतीची माहिती दिली आहे. तिने इन्स्टाग्रामवर रुग्णालयातील तिच्या बेडवरून एक फोटो शेअर केला असून तिच्या प्रकृतीबद्दल माहिती दिली आहे.

अभिनेत्रीने इन्स्टाग्रामवर आपल्या चाहत्यांना तिच्या प्रकृतीबद्दल माहिती दिली आहे. स्वरा भास्करने रुग्णालयातील आपल्या बेडवरून इन्स्टाग्राम स्टोरीवर एक फोटो शेअर केला आहे. हा फोटो शेअर करताना तिने लिहिले, "हे सर्व खूप वेगाने घडले. मला डेंग्यू झाला आणि मला रुग्णालयात दाखल व्हावे लागले!"

दरम्यान, 'बालिका वधू' फेम अभिनेत्री अविका गौर हिलाही डेंग्यूची लागण झाली आहे. तीही रुग्णालयात दाखल आहे. तिचा नवरा मिलिंद चंदवानी याने तिच्या प्रकृतीबाबत माहिती दिली आणि सांगितले की, आजारी असूनही ती काम करत होती. इन्स्टाग्रामवर शेअर केलेल्या एका व्हिडिओ संदेशात मिलिंदने सांगितले की, अविका गेल्या पाच दिवसांपासून तीव्र तापाचा सामना करत होती.

स्वरा भास्करचा नवीन शो

स्वरा भास्कर बॉलिवूड चित्रपटांमधील उत्कृष्ट अभिनयासाठी आणि सामाजिक-राजकीय मुद्द्यांवर आपली स्पष्ट मते मांडण्यासाठी ओळखली जाते. स्वरा भास्करला अलीकडेच तिचा पती फहाद अहमद याच्यासोबत 'पती पत्नी और पंगा' या रिअ‍ॅलिटी शोमध्ये दिसली होती.