Preity Zinta Birthday: बॉलिवूडमध्ये डिंपल गर्ल म्हणून चर्चेत असलेल्या प्रीती झिंटाचा आज वाढदिवस आहे. डिंपल गर्ल आज तब्बल 48 व्या वर्षात पदार्पण करत आहे. तिने आपल्या अभिनयाने लाखो चाहत्यांच्या मनांवर राज्य केले. निर्भिडपणे बोलणाऱ्या स्टार्समध्ये प्रितीची गणना होते. ती एका प्रकरणामुळे बरीच वादाच्या भोवऱ्यात सापडली होती. तिच्या एकटीमुळे संपुर्ण बॉलिवूड इंडस्ट्री देखील हादरली होती.

ही कथा आहे २००१ या काळातील. त्याच वेळी प्रीतीचा 'चोरी चोरी छुपके छुपके' हा चित्रपट प्रदर्शित झाला होता. त्यावेळी प्रीतीने अंडरवर्ल्ड डॉनविरोधात कोर्टात साक्ष दिली होती. या चित्रपटात सलमान खान, राणी मुखर्जी यांनी भूमिका केल्या होत्या आणि अब्बास मस्तान यांनी चित्रपटाचे दिग्दर्शित केले होते.

फक्त चित्रपटाची निर्मिती हिऱ्याचे व्यापारी भरत शाह आणि नाझिम रिझवी यांनी केली होती, पण प्रत्यक्षात चित्रपटाला अंडरवर्ल्ड डॉन छोटा शकीलने फंड पुरवला होता.

ज्यावेळी कोणाचीच अंडरवर्ल्डच्या विरोधात जीभही उघडत नव्हती, त्यावेळी प्रितीने कोर्टात जाऊन डॉन छोटा शकीलविरोधात साक्ष दिली. वास्तविक, प्रीतीला सतत धमकीचे फोन येत होते, त्यामुळे प्रीतीने कोर्टात डॉन छोटा शकील विरोधात साक्ष दिली होती.

अंडरवर्ल्डशी संबंधित प्रकरण असल्याने प्रीतीचा व्हिडीओग्राफीद्वारे जबाब नोंदवण्यात आला होता. या वक्तव्याच्या आधारे भरत शाह यांना अटक करण्यात आली होती तर, निर्माते नाझिम रिझवी यांनाही या प्रकरणात दोषी ठरवण्यात आले आहे.

यासंबंधित प्रीतीने एका मुलाखतीत सांगितले होते की, मी त्यावेळी खूप घाबरले होते आणि अस्वस्थ होते. त्यावेळी मी चित्रपट निर्माते नाझिम रिझवी यांना भेटले. त्यांनी मला डॉन छोटा शकिल यांचा संपर्क देत सांगितले की, सर्व काही ठिक होईल.

काही समस्या असतील तर त्याला संपर्क कर. प्रीतीच्या या प्रकरणामुळे सर्वच बॉलिवूड इंडस्ट्रीला मोठी डोके दुखी झाली होती. सोबतच तिने घेतलेल्या या निर्णयाचे सर्वांनीच कौतुक केले होते.