Poonam Pandey Alive

अभिनेत्री आणि पूनम पांडे जिवंत आहे. तिच्या (Poonam Pandey Death News) निधनाची बातमी २ फेब्रुवारी २०२४ रोजी समोर आली होती. त्यानंतर सर्वांनाच मोठा धक्का बसला होता. पण आता निधनाच्या अफवांना पूनम पांडेने स्वत:च पूर्णविराम दिला आहे. अभिनेत्रीने गर्भाशयाच्या कर्करोगाबाबत जागरूकता निर्माण व्हावी, या उद्देशाने निधनाची पोस्ट शेअर केली असल्याचे माहिती पोस्टमध्ये दिली. त्यामुळे पूनम पांडे सध्या सोशल मीडियावर प्रचंड ट्रोल होत आहे.

अभिनेत्रीने तिची स्वत:ची व्हिडीओ सोशल मीडियावर शेअर करताच तिला ट्रोलिंगचा सामना करावा लागला आहे. अनेकांनी तिच्या ह्या पब्लिसिटी स्टंटवर नाराजी व्यक्त केली आहे. एक युजर म्हणतो, "पूनम पांडे जिवंत आहे. तुला जनजागृती करायची होती, तर तू मोहीम राबवायला हवी होती. तू स्वतःलाच का मृत घोषित केलंस? जागरूकता पसरवण्याचं हे घाणेरडं उदाहरण आहे.'

तर आणखी एक युजर म्हणतो, 'गर्भाशयाच्या कर्करोगाविषयी जागरूकता निर्माण करणे फार महत्वाचं आहे. पण जागरूकता निर्माण करण्यासाठी दिलेलं धक्कादायक उदाहरण आहे. चुकीची जागरूकता केल्यामुळे विश्वसार्हता गमावल्याची भावना निर्माण झाली आहे.'

तर आणखी युजर म्हणतो, ' पूनम पांडे तु खूप चुकीची वागली आहेस. एखाद्या चांगल्या कारणासाठी मृत्यूसारखी संवेदनशील गोष्टीचा वापर करणे खूप चुकीची गोष्ट आहे.', 'आतापर्यंतचा सर्वात वाईट हा पब्लिसिटी स्टंट होता.', 'एखाद्या गोष्टीचा प्रचार करण्याचा हा सर्वात हास्यास्पद मार्ग होता...', 'पुढच्या वेळी लोकं तुला जास्त गांभीर्याने घेणार नाहीत, तु चाहत्यांची विश्वसार्हता गमावली आहेस.' तर अनेकांनी पोलिसांकडे तिच्या अटकेचीही मागणी केली आहे.

पूनम पांडे बॉलिवूडमधील एक प्रसिद्ध अभिनेत्री आणि मॉडेल आहे. पूनम पांडे सोशल मीडियावर अनेकदा आपल्या स्टायलिश व्हिडीओ आणि फोटोमुळे चर्चेत राहायची. 'नशा' चित्रपटाद्वारे तिने बॉलिवूडमध्ये पदार्पण केले होते. पण तिला बॉलिवूडमध्ये नाव कमावण्यात यश मिळाले नाही. इन्स्टाग्रामवर तिचे १.२ मिलियन फॉलोअर्स आहेत.