प्रसिद्ध नृत्यांगना गौतमी पाटील कायमच कोणत्या ना कोणत्या कारणामुळे चर्चेत राहते. तिच्या लावणीचे फॅन्स अगदी थोरा मोठ्यांपासून लहानांपर्यंत सगळेच आहेत. बीड जिल्ह्याचे भाजपचे आमदार सुरेश धस यांच्या वाढदिवसानिमित्त गौतमी पाटीलच्या डान्सचे आयोजन करण्यात आले होते. सध्या सोशल मीडियावर वाढदिवसाच्या कार्यक्रमादरम्यानचे अनेक फोटोज आणि व्हिडीओ तुफान व्हायरल होत आहे. यावेळी गौतमीने थेट महिला प्रेक्षकांमध्ये जाऊन डान्स केला आहे.
गौतमीचा कार्यक्रम म्हटल्यावर पाहणाऱ्यांची एकच गर्दी होत असते. नेहमीप्रमाणेच या कार्यक्रमालाही गावकऱ्यांनी एकच गर्दी केली होती. यावेळी चक्क चाहते गाडीच्या टपावर, घरावर, साउंडवर चढत डान्स करताना पहायला मिळाले. बीडच्या दौलावडगाव येथे आमदार सुरेश धस यांच्या वाढदिवसानिमित्त समर्थक अशोक ईथापे यांनी गौतमी पाटील यांचा कार्यक्रम आयोजित केले. या कार्यक्रमामध्ये गौतमी पाटीलच्या चाहत्यांनी तिचा डान्स पाहण्यासाठी एकच गर्दी केली होती.
गौतमी पाटीलचा डान्स सुरू होताच कोणी घरावर चढून तर, कोणी साउंडवर चढत तुफान डान्स केला. तर एका चाहत्याने थेट स्वतःच्या गाडीच्या टपावर चढत डान्स केला. या कार्यक्रमाला पोलीसांचा फौजफाटा होता. या कार्यक्रमामध्ये महिलांनीही मोठ्या संख्येने उपस्थिती लावली होती. दरम्यान गौतमी पाटीलच्या या कार्यक्रमाला चाहत्यांकडून उत्तम प्रतिसाद मिळाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.