अनेक कलाकारांना आणि चित्रपटांना 2024 मध्ये बॉक्स ऑफिसवर मोठे यश मिळवल्याचे आपण पाहिले आहे. प्रभासच्या 'कल्की 2898 एडी'ने 1100 कोटींहून अधिकची कमाई केली आहे. त्याच वेळी, राजकुमार राव आणि श्रद्धा कपूरच्या 'स्त्री 2' ने बॉक्स ऑफिसवर 600 कोटींचा आकडा पार केला आहे. पण आज आम्ही तुम्हाला 2024 च्या सर्वात जास्त कमाई करणाऱ्या चित्रपटाविषयी सांगणार आहोत.

हे वर्ष मल्याळम चित्रपटांसाठी सुवर्णकाळ ठरले आहे. अनेक चित्रपटांचे प्रेक्षकांनी तोंडभरून कौतुक केले आहे. 'मंजुम्मेल बॉईज' ते 'आवेशम' सारख्या सिनेमांनी बॉक्स ऑफिसवर धुमाकूळ घातला. दरम्यान, मल्याळम चित्रपट 'प्रेमालु' प्रदर्शित झाला, ज्याने त्याच्या खर्चापेक्षा कितीतरी पटीने अधिक कमाई करून निर्मात्यांना श्रीमंत केले. विशेष म्हणजे अगदी कमी बजेटमध्ये बनलेला 'प्रेमालू' 2024 सालातील सर्वाधिक नफा कमावणारा चित्रपट ठरला आहे.

'प्रेमालू' चित्रपटात एकही मोठा स्टार नव्हता. निर्मात्यांनी नवोदित कलाकारांना कास्ट करून हा चित्रपट बनवला होता. नसलेन, ममिता बैजू आणि श्याम मोहन यांसारख्या स्टार्सनी या चित्रपटात काम केले. विशेष म्हणजे हा चित्रपट अत्यंत कमी बजेटमध्ये बनवण्यात आला होता. 'प्रेमालू' या रोमँटिक-ड्रामा चित्रपटासाठी केवळ 3 कोटी रुपये खर्च आला होता. मात्र, प्रदर्शित झाल्यानंतर, चित्रपटाने बॉक्स ऑफिसवर वर्चस्व मिळवले. 'प्रेमालू'ने जगभरात 136 कोटींची कमाई करून इतिहास रचला.

'प्रेमालू'ने बॉक्स ऑफिसवर निर्मात्यांना खर्चापेक्षा 4500 पट अधिकचा नफा दिला. 2024 मध्ये कोणत्याही चित्रपटाने त्याच्या खर्चाच्या तुलनेत इतकी कमाई केलेली नाही. मग ते 'कल्की 2898 AD'असो किंवा 'स्त्री 2'.

प्रभासचा 'कल्की 2898 एडी' हा 2024 मधील सर्वाधिक कमाई करणारा चित्रपट आहे, जो 600 कोटी रुपयांच्या बजेटमध्ये बनला आहे. या चित्रपटाचा नफा 100 टक्क्यांहून कमी झाला आहे. त्याच वेळी, 'स्त्री 2' अंदाजे 60 कोटी रुपये खर्चून तयार करण्यात आला आहे. बॉक्स ऑफिसवर या चित्रपटाने निर्मात्यांना अंदाजे 850 टक्के नफा दिला आहे.