Shraddha Kapoor : 'श्रद्धा कपूर'ला कसा पाहिजे लाईफ पार्टनर? चित्रपटाच्या प्रमोशनदरम्यान सांगितली मनातली गोष्ट

श्रद्धा कपूर (Shraddha Kapoor) आणि राजकुमार राव (Rajkumar Rao) यांचा चित्रपट 'स्त्री 2' ( Stree 2) बॉक्स ऑफिसवर धुमाकूळ घालत आहे. या चित्रपटातील श्रद्धा कपूरची भूमिका प्रेक्षकांना खूप आवडत आहे. चित्रपट प्रदर्शित झाल्यानंतर श्रद्धाच्या फॅन फॉलोइंगमध्ये मोठी वाढ झालेली पाहायला मिळत आहे. अलीकडेच श्रद्धाला सर्वाधिक इन्स्टाग्राम फॉलोअर्स असलेली भारतातील दुसरी सेलिब्रिटीचा मान मिळाला आहे. डाउन-टू-अर्थ अभिनेत्रींमध्ये तिची गणना होते.

सध्या श्रद्धा कपूर 'स्त्री 2' च्या यशाचा आनंद घेत आहे. दरम्यान, तिचा एक व्हिडिओ सोशल मीडियावर व्हायरल होत आहे, ज्यामध्ये ती तिच्या लग्नाबद्दल बोलत आहे. स्त्री 2 च्या ट्रेलर लाँच इव्हेंटमध्ये श्रद्धाला लग्नासंबंधी विचारल्यावर ती म्हणाली की, 'ती एक स्त्री आहे, तिला जेव्हा वधू बनवायची असेल तेव्हा ती बनेल.' श्रद्धा बऱ्याच दिवसांपासून राहुल मोदीला डेट करत असल्याची चर्चा सुरु होती. मात्र, तीने अलीकडेच राहुल मोदीला (Rahul Mody) इन्स्टाग्रामवर अनफॉलो केले आहे.

'स्त्री 2' चित्रपट

श्रद्धा कपूरचा चित्रपट 'स्त्री 2' बॉक्स ऑफिस जागवत आहे. हा चित्रपट 15 ऑगस्टला प्रेक्षकांच्या भेटीला आला. तेव्हापासून तो चांगली कमाई करत आहे. या हॉरर कॉमेडी चित्रपटात श्रद्धा कपूर, राजकुमार राव, पंकज त्रिपाठी, अपारशक्ती खुराना आणि अभिषेक बॅनर्जी यांचा भन्नाट अभिनय दिसत आहे.