अवघ्या काही तासातच आपल्याला सर्वांना ‘बिग बॉस ओटीटी ३’ला फायनलिस्ट मिळणार आहे. गेल्या अनेक दिवसांपासून ‘बिग बॉस ओटीटी ३’ची प्रेक्षकांमध्ये जोरदार चर्चा पाहायला मिळत आहे. अखेर मोठ्या वादानंतर ‘बिग बॉस ओटीटी ३’ आता संपणार आहे. जाणून घेऊया, केव्हा आणि कधी हा ग्रँड फिनाले पार पडणार आहे. त्यासोबतच ग्रँड फिनाले कुठे पाहता येणार ? हे सुद्धा जाणून घेऊया...
यंदाच्या सीझनमधील प्रत्येक कलाकाराने प्रेक्षकांचे लक्ष वेधून घेतले. गेल्या अनेक दिवसांपासून सोशल मीडियावर हा सीझन ४ ऑगस्टला पार पडणार, अशी चर्चा सुरू होती. पण ‘बिग बॉस ओटीटी ३’चा ग्रँड फिनाले ४ ऑगस्टला नाही तर, २ ऑगस्टला अर्थात आज पार पडणार आहे. ४ ऑगस्टला (रविवार) ‘बिग बॉस ओटीटी ३’चा ग्रँड फिनाले पार पडणार असं बोललं जात होतं. पण स्वत: अनिल कपूर यांनी ‘बिग बॉस ओटीटी ३’चा ग्रँड फिनाले २ ऑगस्टला होणार असं सांगितलं आहे.
‘बिग बॉस ओटीटी ३’च्या ग्रँड फिनालेमध्ये, सना मकबूल, नॅजी, रणवीर शौरी, साई केतन राव आणि कृतिका राव हे स्पर्धक टॉप ५ फायनलिस्ट आहेत. या टॉप ५ स्पर्धकांपैकी कोण ट्रॉफीवर आपलं नाव कोरणार ? हे पाहणं औत्सुक्याचं ठरणार आहे. विशाल पांडे घरातून एलिमिनेट होताच नेटकऱ्यांनी ‘बिग बॉस ओटीटी ३’ बॅन करण्याची मागणी केली. हा सीझन जियो या ओटीटी ॲपवर स्ट्रीम होत आहे. ‘बिग बॉस ओटीटी’च्या गेल्या सीझनच्या फायनलिस्टला २५ लाख रुपये फी मिळाली होती. त्यामुळे यंदाही विजेत्याला केवळ २५ लाख रुपये मिळतील, असा अंदाज वर्तवला जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.