बिग बॉस मराठीच्या नवीन पर्वाची सोशल मीडियावर प्रचंड चर्चा आहे. या नवीन पर्वात अंकिता वालावकरकर, निक्की तांबोळी, योगिता चव्हाण, जान्हवी किल्लेकर सहभागी झाल्या आहेत. नुकत्याच पार पडलेल्या कॅप्टन्सी टास्कमध्ये योगिताने म्हत्त्वाची खेळी खेळली. त्यामुळे अंकिताच्या कॅप्टन्सीचा मार्ग मोकळा झाला. बिग बॉसच्या घरात योगिता चव्हाण ही खूप खंबीर सदस्य असल्याचे दिसत आहे.या टास्कदरम्यान घरातील अनेक सदस्यांनी चुकीची भाषा वापरली. त्यामुळे वर्षाताईंनी नाराजी दाखवली होती. त्यानंतर आता योगिताचा नवरा सौरभनेदेखील सोशल मीडियावर नाराजी व्यक्त केली आहे.

'बिग बॉस'च्या घरात टास्कदरम्यान अनेक सदस्यांनी चुकीची भाषा वापरली होती. काहींनी अपशब्द वापरले होते, त्यामुळे सोशल मीडियावर खूप चर्चा सुरु आहे. बिग बॉसच्या सदस्यांना खूप ट्रोलिंगचा सामना करावा लागत आहे. अशातच सौरभ चौघुलेने बिग बॉस हा कार्यक्रम बघायचा की नाही, असा प्रश्न उपस्थित केला आहे. सौरभने सोशल मीडियावर खरमरीत पोस्ट शेअर केली आहे.

योगिताचा नवरा सौरभ चौघुलेने सोशल मीडियावर स्टोरी शेअर करत आपली प्रतिक्रिया दिली आहे. लायकी, भीक अशी घाणेरडी भाषा वापरली जाते...खरंच हा कार्यक्रम कुटुंबासोबत पाहता येणारा आहे का?, असा प्रश्न सौरभने उपस्थित केला आहे.

यापूर्वीदेखील या कार्यक्रमावर खूप टीका झाली आहे. अनेक सेलिब्रिटींनी बिग बॉसच्या सदस्यांना सोशळ मीडियाच्या माध्यमातून सुनावले होते. वर्षा उसगावकर यांना घरात मिळालेल्या वागणुकीवर पुष्कर जोग,जय दुधाणे यांनी नाराजी व्यक्त केली होती.