Jay Dudhane News : "तू Bigg Boss मधली सर्वात वाईट…" निक्की तांबोळीला जय दुधानेने सुनावले खडेबोल, घरातील ‘या’ स्पर्धकाचं केलं कौतुक

‘बिग बॉस मराठी’च्या पाचव्या पर्वाला दणक्यात सुरुवात झालेली आहे. सध्या सोशल मीडियावर ‘बिग बॉस मराठी ५’ची जोरदार चर्चा होत असून स्पर्धकांची प्रेक्षकांमध्ये जोरदार चर्चा होत आहे. पहिल्याच दिवसापासून बिग बॉसच्या घरात निक्की तांबोळीची जोरदार चर्चा होत आहे. सोशल मीडियावर निक्की तांबोळीची जेवढी चर्चा सुरू आहे, तिचे जितके कौतुक होत आहे, तितकंच तिला नेटकरी ट्रोल करीत आहेत. सध्या निक्की तांबोळी अनेक मराठी सेलिब्रिटींच्या निशाण्यावर आली आहे. अशातच ‘बिग बॉस मराठी ३’च्या उपविजेत्याने इन्स्टा स्टोरी शेअर करत निक्कीला खडेबोल सुनावले.

‘बिग बॉस मराठी ३’चा उपविजेता जय दुधानेने इन्स्टा स्टोरी शेअर करत निक्की तांबोळीला खडेबोल सुनावले आहेत. जय दुधाने ह्याने निक्की तांबोळी आणि जान्हवी किल्लेकरसाठी खास इन्स्टा स्टोरी शेअर केली आहे. तर अभिजित सावंतचं कौतुक केले असून वर्षा उसगांवकर यांचा घरात झालेल्या अपमानाबद्दलही त्याने भाष्य केले आहे. शेअर केलेल्या इन्स्टा स्टोरीमध्ये जयने लिहिलंय की, "निक्की तांबोळी ही ‘बिग बॉस मराठी’च्या आजवरच्या इतिहासातली सगळ्यात वाईट स्पर्धक आहे."

तर जान्हवीबद्दल जयने लिहिलंय की, "मी अभिजीत सावंतचं नक्कीच कौतुक करेल कारण की, जान्हवी कशी तिच्या (निक्कीच्या) हातातलं 'बुगू बुगू' झालीये, हे अभिजितने सांगितलंय. महाराष्ट्राच्या सुपरस्टार अभिनेत्री वर्षा उसगांवकर यांच्यासोबत निक्की कशी वागलीये हे आपण सर्वांनीच पाहिलंय. अतिशय चुकीचं आणि अपमानास्पद ती वर्षा ताईंसोबत वागलीये. मी ज्या सीझनमध्ये होतो, तिथेही माझं अनेक स्पर्धकांसोबत भांडण झालं आहे. पण मला अजूनही लक्षात आहे, आमच्यातल्या एकाही स्पर्धकाने सीनियर असलेल्या स्पर्धकांसोबत चुकीच्या पद्धतीने वागणूक केली नाही. त्यांच्यासोबत सर्व व्यवस्थित वागायचे."

‘बिग बॉस मराठी ५’च्या घरात सोशल मीडिया एन्फ्ल्यून्सरसह अनेक टेलिव्हिजन सेलिब्रिटी शोमध्ये दिसणार आहेत. यंदाच्या सीझनमध्ये वर्षा उसगांवकर, निखिल दामले, कोकण हार्टेड गर्ल म्हणजेच अंकिता प्रभू वालावलकर, पंढरीनाथ कांबळे, योगिता चव्हाण, जान्हवी किल्लेकर, अभिजित सावंत, घन: श्याम दरवडे, इरिना रुडाकोवा, निक्की तांबोळी, वैभव चव्हाण, अरबाज पटेल, आर्या जाधव, पुरुषोत्तमदादा पाटील, धनंजय पोवार आणि गुलिगत धोका फेम सूरज चव्हाण.... असे स्पर्धक बिग बॉसच्या प्रेक्षकांना पहायला मिळणार आहेत.