'बिग बॉस मराठी 6' मध्ये आज भाऊच्या धक्क्यावर घरातील एक सदस्य बाहेर जाणार आहे. या आठवड्यात बाहेर जाण्यासाठी 9 सदस्य नॉमिनेट झाले आहेत. यात प्रभू शेळके, प्राजक्ता शुक्रे, दीपाली सय्यद, रुचिता जामदार, राकेश बापट, सचिन कुमावत, अनुश्री माने, रोशन भजनकर आणि सागर कारंडे यांचा समावेश आहे. अशात आता बिग बॉसने नवीन प्रोमो शेअर केला आहे. जो पाहून प्रेक्षकांना खूपच आनंद झाला आहे.

नवीन प्रोमोमध्ये रितेश भाऊ आज भाऊच्या धक्क्यावर घरातील चुगलीचे दार उघडणार आहे. ज्यामुळे घरातील नाती बदलताना दिसणार आहे. घरातील सदस्यांना एक चांगला रिअ‍ॅलिटी चेक मिळणार आहे. रोशनने 'टोळी' ला रामराम ठोकला आहे. ज्यामुळे रुचिताला मोठा धक्का बसला आहे. नेमकं भाऊच्या धक्क्यावर आज काय घडणार, जाणून घेऊयात. 'टोळी' मध्ये विशाल, रुचिता, अनुश्री आणि रोशन हे सदस्य होते. आता रोशनने टोळी सोडली, अनुश्री विशालच्या विरोधात गेली. ज्यामुळे आता 'टोळी' रुचिता आणि विशाल उरले आहेत. एकंदर टोळी फुटली आहे.

व्हिडीओच्या सुरूवातीला पाहू शकता की, अनुश्री तन्वीला बोलते की, "मला विशालच्या विरोधात जायचे आहे..." हे पाहून विशाल म्हणतो की, "आपलेच दात आणि आपलेच ओठ..." त्यानंतर रुचिता विशालकडे चुगली करते की, "रोशन दादाला गेम कळत नाही एवढा..." त्यावर विशाल बोलतो की, "मला त्याचा भार घेऊन चालायचं नाहीये..." विशाल आणि रुचिताचे बोलणे ऐकून रोशन खूप दुखावतो. तो म्हणतो की, "कुठेतरी मन दुखलं माझं...मी ही टीम सोडतोय... आजपासून, आतापासून..."

या व्हिडीओवर नेटकरी कमेंट्स करत आहेत. रुचिताचा खरा चेहरा रोशनसमोर आल्यामुळे प्रेक्षक भलतेच खुश आहेत. तसेच चाहते रोशनला पाठिंबा देताना दिसत आहे. आता 'टोळी'तून बाहेर पडल्यावर रोशनचा नवीन प्लान काय असणार, हे पाहणे महत्त्वाचे ठरणार आहे. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.