'बिग बॉस मराठी 6' काही दिवसांत सुरू होणार आहे. 11 जानेवारीला या धमाकेदार शोचा ग्रँड प्रीमियर पार पडणार आहे. याचा खास प्रोमो समोर आला आहे. गेल्या दोन महिन्यांपासून 'बिग बॉस मराठी 6' ची तुफान चर्चा पाहायला मिळत आहे. या शोचे होस्टिंग रितेश भाऊ करणार आहे. त्यामुळे प्रेक्षक भलतेच खुश आहेत. यंदाच्या सीझनची थीम 'स्वर्ग आणि नर्क' अशी असणार आहे. या सीझन मध्ये कोण कोण झळकणार याची चर्चा सोशल मीडियावर पाहायला मिळत आहे.

ग्रँड प्रीमियरच्या प्रोमोमध्ये तुम्ही पाहू शकता की, रितेश भाऊंची ग्रँड एन्ट्री होते. रितेश देशमुख म्हणतो की,"मागचा सीझन वाजवलाय यंदाचा गाजवायचाय..." या प्रोमोवर प्रेक्षकांकडून भरभरून कमेंट्सचा वर्षाव होत आहे. या सीझनमध्ये 16 हून अधिक कलाकार झळकणार असल्याचे बोले जात आहे. बिग बॉसचे भव्य घर पाहायला प्रेक्षक उत्सुक आहेत. तसेच शो 100 दिवसांचा असणार असल्याचे बोले जात आहे.

प्रोमोला हटके कॅप्शन देण्यात आले आहे. त्यांनी लिहिलं की, "महाराष्ट्राचं तुफान येणार...ग्रँड प्रीमियरचा रंगतदार सोहळा रंगणार... बिग बॉस मराठीचं दार उघडणार, नशिबाचा गेम पालटणार!" 'बिग बॉस मराठी 6' पाहण्यासाठी चाहते आता खूपच उत्सुक आहेत. 'बिग बॉस मराठी 6' चा ग्रँड प्रीमियर 11 जानेवारी रात्री 8 वाजता कलर्स मराठी आणि जिओ हॉटस्टारवर पाहायला मिळणार आहे.

'बिग बॉस मराठी 6' मध्ये कोण कोण झळकणार यांची संभाव्य यादी पाहा

• सागर कारंडे

• दीपाली सय्यद

• अनुश्री माने

• संकेत पाठक

• राधा मुंबईकर

• रसिका जमसुतकर

• श्रेयस तळपदे

• राकेश बापट

• काजल काटे