Krantijyoti Vidyalay: 'क्रांतिज्योती विद्यालय – मराठी माध्यम'चा बॉक्स ऑफिसवर धुमाकूळ; सहा दिवसात गाठला ५ कोटींच्या टप्पा

Krantijyoti Vidyalay Marathi Madhyam: हेमंत ढोमे दिग्दर्शित मराठी चित्रपट ‘क्रांतिज्योती विद्यालय – मराठी माध्यम’ बॉक्स ऑफिसवर जोरदार गाजत आहे. १ जानेवारी २०२६ रोजी प्रदर्शित झालेला हा सिनेमा प्रेक्षकांच्या पसंतीस उतरत असून, सहाव्या दिवसापर्यंत एकूण जवळपास ५ कोटी रुपयांच्या गल्ला करण्यात यशस्वी झाला आहे.

चित्रपटाला उत्स्फूर्त प्रतिसाद दिला आणि पहिल्या वीकेंडमध्येच हा सिनेमा ३.९१ कोटींच्या जवळपास कमाई करून मराठी सिनेमासाठी बॉक्स ऑफिस दणक्यात सुरूवात करून दिली आहे. ‘क्रांतिज्योती विद्यालय’ विविध शहरांमध्ये हाऊसफुल्ल होत असून प्रेक्षक गर्दीने चित्रपट पाहण्यासाठी थिएटरमध्ये येत आहेत.

आकडेवारीनुसार, सिनेमाने पहिल्या दिवशी सुमारे ७८.४३ लाख, दुसऱ्या दिवशी ४७.८९ लाख, तिसऱ्या दिवशी १.१० कोटी आणि चौथ्या दिवशी १.५५ कोटी रुपये कमावले. पाचव्या दिवशी हा चित्रपट ५२ लाख आणि सहाव्या दिवशी ५२.६ लाख रुपयांची कमाई करुन सुमारे ४ कोटी ९६ लाख रुपयांचे कलेक्शन केले आहे.

हा चित्रपट मुख्यतः मराठी शाळा, मातृभाषेतील शिक्षण आणि सामाजिक भावना यावर आधारित आहे. अभिनेते सचिन खेडेकर, अमेय वाघ, सिद्धार्थ चांदेकर, क्षिती जोग, कादंबरी कदम, हरीश दुधाडे, निर्मिती सावंत, पुष्कराज चिरपुटकर आणि प्राजक्ता कोळी अशी दमदार कास्ट या चित्रपटात आहे.